وستەنش قنگېرە
ئیدیۆمێن، پەی کەسێ بەکارمێ هەکە هەرمانەو خەڵکی ڕاییە نمەکەرۊ. ویتەنش قنگېرە، مەبەس چانەین هەرمانەکېش ویتېنە پەشتەو وېش، یانی نېیەنە وەرو دەسیشەنە پەی ئانەی جا زەجاش کەرۊن. ئێتر هەرمانەکۍ ڕەنگە هینەو خەڵکێ تەری بۊن، یان ڕەنگە هینەو وېش بۊن.
بڕێ خەڵکۍ هەنۍ نەک هەرمانێ، بەڵکوم فرەو هەرمانا وزا قنگېرە، پەنەشان ماچان تەمەڵېنۍ هەرمانۍ ۋزا قنگېرە.
ئی ئیدیۆمۍ نزیکەنە چا ئیدیۆمېوە کە ماچۊ ۋستەنش پەشتەو گۊشا، ئېڎەشا پەی واتە و قسە گولا بەکارمێ، بەڵام دوەمەشا پەی هەرمانێ بەکارمێ، بەڵام ماناو ئی ئیدیۆمۍ کەمێ جېیاوازەنە، پی تەرزە:
گەر کەسێ بگنۊ قنگېرە، یانی گلېرۊ پەشتیرە، ئیتر چا وەختەنە نېیەن سەرو پەیاشۆ، یانی هەرمانېش پەنە نمەکریا، هەر پا تەعرە گەر هەرمانێ یان پرۆژێوە کۆتەبۊ قنگېرە، یانی سەرو پەیاشۆ نېیەن، بە مانێوە تەر نېیەنە وەردەسەنە پەی ئانەی ڕاییەش بکەران.[1]