لە دەنگان میری زەنگان، لە ئیشیش ڕیخ لە لینگان
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (لەدەنگان میری زەنگان، لە ئیشیش ڕیخ لە لینگان) ، میری زەنگان، زەنگان شارێکە کەوتۆتە ڕۆژهەڵاتی شاری (#سنە# ) لە وڵاتی ئێران، خەڵکەکەی زۆرینەی (ئازەر) ییە، بەگوێرەی ئەو ئیدیۆمە هاوشێوەی شاری سنە سەردەمانێک مەڵبەندی میرنشینێک بووە، کە میرەکەی دەستڕۆیشتوو بووه، فەرمانی جێی خۆی گرتووە، لەبڕگەی دووەمی ئیدیۆمەکە (لینگان) بەرانبەر (زەنگان) بەکارهاتووە، ئەوانەی کاری پاککردنەوەی هۆر و گەوڕی ئاژەڵان دەکەن ڕیخ و پاشماوەی ئاژەڵەکە بەر قاچ و لەتەر و تەشکەر و لینگیان دەکەوێت و ئەو شوێنانە بەڕیخ دەبن، هاوشێوەی (#بەخۆی ئەپەسمێ# ) بۆ ئەو حاڵەتەش وتراوە: لە دەنگان میری زەنگان، لە ئیشیش ڕیخ لە لینگان. [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 354 times