دەگەر سەی سەر ڕەوێ ئەبا، دەگەر گورگی گۆشتییە خوا، دەگەر ساحێبی شینێ کا.
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (دەگەر سەی سەر ڕەوێ ئەبا، دەگەر گورگی گۆشتییە خوا، دەگەر ساحێبی شینێ کا)، لە #هەولێر# و #کۆیە# وتراوە: لەگەڵ گورگی گۆشتی دەخوات و لەگەڵ مەڕیش شینێ دەکات، لەو ئیدیۆمەی ناوچەی خۆشناوەتیدا سێ جووڵە و بزاوت و کار هەیە، کە هەموویان پەیوەستن بەیەک کارەوە ئەویش پاسەوانی ڕانەمەڕە لەلایەن سەگەوە بۆ ئەوەی گورگ مەڕەکان نەخوات و خاوەنی مێگەلەکەش ئاسوودە بێت کە سەگێکی دڕی هەیە و مەڕەکانی پارێزراون، بەڵام لێرەدا کەسێک سێ ئەرکان دەبینێت لە یەک کاتدا و لەسەر سێ داو یاری دەکات، کاتێک گەلەگورگ لە ڕانەکە دەدات لەگەڵ سەگەل لە پێشەوەی ڕەوەسەگەکە پەلاماری گورگەکان دەدات، هەر لە هەمان چالاکی ڕاوەدوونانی گورگاندا خۆی دەدزێتەوە و لەلایەکەوە لەگەڵ گورگەکان گۆشتی مەڕەکان دەخوات، پاشی ڕەوینەوەی بارودۆخەکەش دەم و لموزی پاک دەکاتەوە و لەگەڵ مەڕەکان بۆ لەدەستچوونی مەڕەکان شینێ دەکات، ئەمەش واتە کەسێک لەسەر سێ پەت یاری بکات لە خۆشناوەتیدا بۆ وەسفکردنی ئەو جۆرە کەسانە وتویانە: دەگەر سەی سەر ڕەوێ ئەبا، دەگەر گورگی گۆشتییە خوا، دەگەر ساحێبی شینێ کا. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 365 times
Write your comment about this item!