ب دەستووری خودێ
دەستێ غالبی چێ یە
شیخادی بۆ مێرا دانا حەد و سەد و رێ یە
دا مێر راست پاژۆن پێ یە
***
ھنجیێ راست نە ھاژۆت ب رێڤە
دێ ل وی بت تاری و شێڤە
زەبێنی دێ وی کێشنە د حەبسێڤە
***
چەند سەبەقێن پیرۆز ژ قەولێ شیخادی شێخێ شارا
ئەڤ قەولە بەحسێ ھنەر و کەرمێت شیخادی دکەت و دیار دکەت کو ئەڤ قەولە «500» سالا بەری داھر بوونا شیخادی یە و بەحسێ کەرەما وی و سورا و قەوەتا وی دکەت :-
شیخادی شێخێ شارا
خودانێ بەریان و بەحرا
ئەڤ قەولە داھر بوو پێنج سەد سالی ژ بەری کەنیا مارا
***
شیخادی شێخەکی چێیە
خودانێ مەعریفەتێ و رێیە
عەرد وعەزمان خۆش دڤێیە
***
شیخادی شێخێ حەقیقەتێ
خودانێ مەعریفەتێ
ھنەر و کەرامەت ژ باوی تێ
***
شیخادی و تاووسی مەلەک و سلتان ئێزی ژ ئێکن
چوو مەعنیا ژێ مەکەن
ئەو زوو مرازا حاسل دکەن
***
ئەو حاسل دکەن مرازا
سلتان ئێزی دگەرێت ب ھەزار و ئێک لباسا
مە ئەو سوڕ دیت و کر ناسا
***
شیخادی شێخە و ھنە
بینایا چاڤێت منە
عەرد وعەزمان خۆش دڤێنە
***
رۆژ ل ل گەلیێ کوورە
ھوون باکەنە خاسێت غەفوورە
ژ گۆتنا شیخادی ژێ دچن ئوسفەت و نوورە
***
رۆژا ل گەلیێ تەنگە
وەختێ دبوو دەعوە و چەنگە
ژ گۆتنا شیخادی ژێ دچن ئوسفەت و دەنگە
***
لالشا نوورا نییە
بەھشتا باقییە
مەکانێ سڵتان شیخادییە
***
لالش و بەھشت دخۆشن
خودان ئیمان و خودان ئەرکان دناڤدا دمەشن
ئەو قەدەمگەھا شێخ فەخرێ رەشن
***
یێ تەمام خودێ یە.[1]
Kurdipedia is not responsible for the content of this item. We recorded it for archival purposes.
This item has been written in (کرمانجی) language, click on icon
to open the item in the original language!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 354 times
Write your comment about this item!