بنگەهێ لالش تايێ باعەدرێ ڕێز ل دوو مامۆستایێن خانەنشینێن باعەدرێ گرت
تۆرا لالش:
ب هەلکەفتا سالیدا دامەزراندنا بنگەهێ لالش تایێ باعەدرێ وب مەرەما خزمەتا هەموو تەخ و چینێن جڤاکی و بیرئانینا کەد و خزمەتا وان و ڕێز ل مامۆستایێن دەستپێشخەرێن باعەدرێ یێن کو چەندها کەس ل سەر دەستێ وان ب هیڤی و ئارمانجێن خۆ گەهشتینە ، بنگەهێ لالش تایێ باعەدرێ خەلاتێ ڕێزلێنانێ پێشکێشی دوو مامۆستایێن خانەنشینێن خەلکێ ناحیا باعەدرێ کرن.
ئیرۆ ڕۆژا شەمبوویێ 15ى تيرمەها 2023، و ب ئامادەبوونا بەرێز سەعيد جردۆ سەرۆکێ دەستەیا بلندا بنگەهێ لالش و خەلەف ئلياس ئەندامێ دەستەیا بلندا بنگەهێ لالش و ژمارەکا ئامادەبوویان ژ تەخ و چینێن جودا، ڕێورەسمێن خەلاتکرنێ هەر یەک ژ مامۆستایان عيدۆ خەلەف بەکر و سلێمان حەسەن ڕەشو ب ڕێڤەچوون.
ل دەستپێکێ خەلات باعەدرى، بەرپرسێ بنگەهێ لالش تایێ باعەدرێ بخێرهاتنا تەڤایا ئامادەبوویان کر و سالڕۆژا دامەزراندنا بنگەهێ لالش تایێ باعەدرێ ل هەموو خەلکێ باعەدرێ و ئەندامێن بنگەهێ لالش باعەدرێ پیرۆزکر و چەندەک ل دۆر ڕۆلێ بنگەهی ئینا زمان.
پاشی باعەدرى ڕۆناهی ئێخستە سەر ڕۆل و کەد و بەحس ل خزمەت و ماندووبوونا هەردوو مامۆستایێن خانەنشینێن ناڤهاتی کر.
ل دووڤدا هەر دوو مامۆستایێن خانەنشینێن ناڤهاتی ب قەڵغانێ ڕێزلێنانێ ڕێز ل وان هاتە گرتن و ژلایێ سەرۆکێ دەستەیا بلندا بنگەهێ لالش و بەرپرسێ بنگەهێ لالش تايێ باعەدرێ ڤە هاتنە پێشکێشکرن.[1]
Kurdipedia is not responsible for the content of this item. We recorded it for archival purposes.
This item has been written in (کرمانجی) language, click on icon
to open the item in the original language!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 335 times
Write your comment about this item!