ناونیشانی بابات: پڕۆژەى بەدیجیتاڵکردنى ژمارەیەک شوێنەوار جێبەجێ دەکرێت
ئامادەکردنی: #هەڵمەت بتوێنی#
بەڕێوەبەرى گشتیى شوێنەوار و کەلەپوور لە #وەزارەتى شارەوانى و گەشتوگوزار#ى حکوومەتى هەرێمى #کوردستان# ڕایگەیاند، بە پاڵپشتى و هاوکاریى ڕێکخراوێکى بیانى، کار لەسەر بەدیجیتاڵکردنى ژمارەیەک پێگەى شوێنەواریى گرنگ دەکەن، کە ئارەزوومەندان بتوانن لەسەر مۆبایلەکانیان زانیارى و وێنەى بەڕوونى ببینن.
کەیفى مستەفا، بەڕێوەبەرى گشتیى شوێنەوار و کەلەپوور بە (باسنیوز) ى ڕاگەیاند: وەک بەڕێوەبەرایەتیى شوێنەوار و زانکۆی تیشک، بە پاڵپشتیی ڕێکخراوی (DAAD) ڕێک کەوتووین لەسەر کارکردن لەسەر بەدیجیتاڵکردنی پێگە شوێنەوارییەکان لە هەرێمی کوردستان.
وتیشى: ناوەرۆکى کارەکە بریتییە لە داخڵکردنى ژمارەیەک خانووى کەلەپوورى و قەڵا و ئەشکەوت و هەندێ شوێنەوارى گرنگى دیکە و کردنى بە ئەپێک، کە خوازیار زۆر بە ڕوونى شوێن و زانیارى و وێنە بەشێوەى (D3) ببینێ و شارەزایى لەسەر پەیدا بکات و دەتوانێت سەردانیشى بکات.
کەیفى مستەفا باسى لەوەش کرد: پڕۆژەکە بۆ ماوەى 10 ساڵ کارى لەسەر دەکرێت و لەو ماوەیەدا کارمەندانى خۆشمان لەسەر کارکردن لەسەر بابەتەکە ڕادەهێندرێن، بۆ ئەوەى بتوانین لەداهاتوودا زیاتر پەرەى پێ بدەین.
بەڕێوەبەرى گشتیى شوێنەوار و کەلەپوور ئاماژەى بۆ ئەوەش کرد: بەدەر لەوەش، لەگەڵ زانکۆیەکى بیانیى دیکە کار لەسەر تۆمارکردنى ناوچە شوێنەوارییەکان لەسەر نەخشەى گۆگڵ دەکەین، بەوەش بە شێوەیەکى سستم و داتا دەبینە خاوەن ئامار و بەڵگە و دۆکیۆمێنتى خۆمان لەسەر شوێنەوارەکانى هەرێمى کوردستان و لە کاتى هاتنەپێشەوەى کار و پڕۆژە و لێکۆڵینەوە، ئاسانکارى و بەرچاوڕوونیمان دەبێت.[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 393 times
Write your comment about this item!