سەرۆکى #حکومەتى هەرێمى کوردستان# ڕەتیکردووەتەوە دەسەڵاتەکانى وەزیرى پێشمەرگە بدات بە #قوباد تاڵەبانى# کە بە فەڕمى داواى کردبوو.
دواى ئەوەى قوباد تاڵەبانى، جێگرى سەرۆکى حکومەت بە فەرمى داواى کردبوو دەسەڵاتەکانى #شۆڕش ئیسماعیل#، وەزیرى پێشمەرگەى حکوومەتى هەرێمى کوردستانى پێبدرێت، بەڵام #مەسرور بارزانى#، سەرۆکى حکوومەتى هەرێمى کوردستان ڕەتیدەکاتەوە دەسەڵاتەکان بە ناوبراو بدرێت.
دواى ئەو هەوڵە، مەکتەبى سیاسى #یەکێتیى نیشتمانیی کوردستان# بە فەڕمى داواى لە #پارتى دیموکراتى کوردستان# کردووە دەسەڵاتەکانى وەزیرى پێشمەرگەیان پێبدرێتەوە. ئەویش لە ڕێگەى دانانى وەزیرێکى یەکێتیى لەو پۆستە بەشێوەى وەکالەت، بەڵام تاوەکوو ئێستا پارتى و سەرۆکى حکومەت وەڵامیان نەداوەتەوە.
داواکردنى دەسەڵاتەکانى وەزیرى پێشمەرگە لەلایەن یەکێتیى لە کاتێکدایە کە لە دواى دوورخستنەوەى شۆڕش ئیسماعیل لە پۆستى وەزیرى پێشمەرگە ناکۆییەکانى پارتى و یەکێتیى لەنێو ئەو وەزارەتە بۆ ئاستێکى مەترسیدار چووە و لە ئێستادا هیچ پەیوەندییەک لەنێوان هەردوو تیمى یەکێتیى و پارتى لەنێو ئەو وەزارەتەدا نەماوە. [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 336 times
Write your comment about this item!