~ قەسیدا شەرفەدین ~
شەرفەدین ئێکە ژ خاس و چاکێن ئێزدیان، و کەسەکێ خودان شیان و کەرامەت بوو و ل دەڤەرا شنگالێ یێ ئاکنجی بوو و هەتا نهۆ ناڤ و دەنگێ وی هەنە و مزارگەهەک ژی ل چیایێ شنگال هەیە ب ناڤێ شەرفەدین و خەلکێ وێ دەڤەرێ بەردەوام سەرەدانا مەزارگەهێ شەرفەدین دکەن و هندەک ڕێ و ڕسمێن تایبەت ژی هەنە ئێک ژوان کو ساڵانە توافا وی دهێت گێران و گەلەک خەلک ژ هەموو دەڤەرێن ئێزدیان سەرەدانا ڤی مزارگەهی دکەن و لێ کۆم دبن و سمات دهێت چێکرن ( سمات خوارنەکا تایبەتە ل ڕێ و ڕسمێن ئێزدیان دهێت چێکرن ) . ئەڤە ژی چەند سەبەقێن قەولی دەربارەی شەرفەدین
ب دەستوری خودێ
شەرفەدین غەرزێ گولێ
دێ ب خەملی ، دێ ب خەملی
ئه و سونەتا سۆتی دلی
* * *
خیڤەتا مەلەک شەرفەدینە
من ڤەدایی ل نسێبینە
سەرێ گەرەفا چوو عەزمینە
* * *
جوابێ بدەنە کوردستانێ
بلا قایم کەن ئیمانێ
شەرفەدین میره ل دیوانێ
* * *
جوابێ بدەنە حەیپۆریا
بلا بەردەن رەش خومریا
شەرفەدین میری عەدەویا
* * *
شەرفەدین ژ مغارێ هاتە دەرە
سەد هەزار قەوشەن یی ل بەره
نوری عالەم هەی ل سەره
* * *
شەرفەدین ژ مغارێ دەرکەفت
سەر هەزار قەوشەن لبەر کەفت
نوری عەلەم هەی ل سەر کەفت
* * *
شەرفەدین بەرێ خۆ ژ مغارێ وەرگێرا
سەد هەزار قەوشەن یی ڤێرا
هەسپ دبۆزن ، زین یی زێرە
* * *
شەرفەدینوێ تێت ژ غەربە
راست و چەپ دهنگێڤت دربە
خافل دێ مرن ژ کەربا
* * *
شەرفەدین ژ غەربێڤە تێیە
راست و چەپ د هنگێڤت دربێیە
خافل دێ مرن ژ کەربێیە
ئەم د کێمن و خودێ یێ تەمامە. [1]
This item has been written in (کرمانجی - کوردیی سەروو) language, click on icon
![](https://www.kurdipedia.org/images/flags/ku.png)
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 412 times
Write your comment about this item!