فیلمو (هەنار) ی بە هۆرامی وەڵا بۊوە
فیلمو (هەنار) ی فیلمێوە هۆرامیانەن، باسو ژیواو ئارۊ هۆرامانی کەرۊن، فیلمەکە پېسە دەس پەنەکەرۊن: باسو ژیوای کۊڵبەرێ کەرۊ کە ئەراگېڵ (عاشق) و سینەمایین، جە لایێ تەرۆ بېیەن دامو وەشەویسی کناچۍوە کە ئینا دەگاکېشانە.
فیلمو (هەنار) ی جە نویستەی و ڕېک ۋستەی بەرئاوەرو هۆرامانی (شەهریار ڕۊستەمی) و ڕاوەبەرو وینەگیرتەی (نوید زارعی) و ڕاوەبەرو دەنگی (پژمان ڕاژ) و ڕاوەبەرو یاگی (گەشین محمدیان) و یاردیدەرو بەرئاوەری (سینا ولیدبیگی) و زەریفکاری (ڕەعنا خالیدی) ین.
چەنی بەشدارا فیلمی
میترا شهبازی، زانکو محمدی، محتسم شافعی،
علیرضا آژیده، فرنیا احمد وند، شکیبا، دلیر، فریاد
وەش کړیان.
فیلمو (هەنار) ی جە دەگاو (گراڵی) جە هۆرامان هەرمانەو وېنەگېرتەیش پەی کریان.
شەهریا ڕۊستەمی بە ئاژینیش وات کە هەنارە پی زوانیە تەمامیو و بەشداری چن ئەرمانگایێ سینەمایی کەرو،
داواش جە خەموەراو خوا پەنەدایا و بازرگانە هۆرامیەکا کەرو کە پاڵپەشتی با تاکو بتاوا هەرمانۍ زیاتەر بە هۆرامی وەش کەران، زیاتەر زەریفیەکا هۆرامانی بە دلی و بەری بژناسان،
هەرپیسە وېتا مزاندێ جە ئارۊنە سینەما بېیەن بە زوانو فرەو میلەتەکا جە ڕاو سینەمایۆ ویشا و فەرهەنگ و زوانو جلوبەرگو ژیوگاشا نیشانەو دنیای مڎان، ئیمەیچ تاومۍ جە ڕاو سینەمایۆ وېما نیشانەو دنیای بدەیمۍ، ئەڵبەتە بە پاڵپەشتی خەموەراو وەرپەرساو خواپەنەدایا و بازرگانەکا هۆرامانی.[1]
Kurdipedia is not responsible for the content of this item. We recorded it for archival purposes.
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 65 times
Write your comment about this item!