جەوهەر و کرۊک گرنگا، نەک ڕووکەش
نویستەی: #ئیبراهیم میکە عەلی#
ئا خاتونیٛ یام ئا ئاغیٛ هەکە ئەرەجیوٙشا خاسیی و خراپیی حەرچیٛوێوە بەنڎا بە فرەو کەمیی پەیڕەوا و هەواداراشۆ یام ڕووبەری جوگرافیشۆ، مەزانا حەر ئا کیٛشانە و پیمانە هەکە ئاڎیٛ کەراش ویٛش جەویٛشەنە چەپەوانەو ویرۆکەردەی هۆرامیانەین و لاو بنیاڎمە کامڵەکاوە خاس بېیەی و خراپ بېیەی حەرچیٛوێوە بەنڎا بە جەوهەرو چیٛوەکەیۆ، نەک بە قبوڵ کەردەیش یام نەکەردەیش لاو خەڵکیوە، یام فرەو کەمیی چیٛوەکەی یام هەوادارا و پەیڕەوکاراش.
پەی نمونەی: ویرۆکەردەی یام ڕەفتارێوە خاس، ئەر حیچکەسیچ قبوڵش نەکەروٙ وەلێم (ئەر جەوهەرو خەسڵەتەکەی خاس بوٙ) ئیٛتر بنیاڎمی فامیدە پەیوەسیی و پابەندیی ویٛش پۊش بەروزوٙنە ولاشۆ گرنگ نېیا چڼ کەسیٛ چەمش بڕانە و چڼ کەسیٛ گنانە قینەبەرایەتیی چەنیش، چوونکە ئاڎ جەوهەرو خەسڵەتەکەیش لاوە گرنگا نەک حەشاماتێوە هەکە گنوٙ شوٙنەو خەسڵەتەکەی یام گنوٙ قینەبەرایەتیۆ چەنیش.[1]
This item has been written in (هەورامی) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 171 times
Write your comment about this item!