ناو: ئەفسەر
نازناو: سالک
ڕۆژی کۆچی دوایی: #15-08-2023#
شوێنی لەدایکبوون: #چۆمی مەجیدخان#
شوێنی کۆچی دوایی: #کۆیە#
$ژیاننامە$
خاتوو ئەفسەر سالک، کادری یەکێتیی ژنان و ئەندامی حیزبی دێموکراتی کوردستانی ئێران بوو، بەهۆی نەخۆشییەوە لە ڕێکەوتی 15-08-2023 ماڵاوایی لە ژیان کرد.
خاتوو ئەفسەر، کچی بنەماڵەیەکی حیزبخۆشەویستی ناوچەی چۆمی مەجیدخان بوو و لە سەرەتای لاوێتییەوە لایەنگر و دڵسۆزی حیزبی دێموکراتی کوردستانی ئێران بوو، هەروەها تاوانی ڕژێمی ئێرانی لە قەتڵوعامی خەڵکی گوندەکانی (قەرەگۆل، سەوزی و سەرچنار) ی بە چاوی خۆی بینیبوو.
خاتوو ئەفسەر، لە کاتی قەتڵوعامی خەڵکی بێتاوانی ئەو گوندانە زۆر ئازایانە دەرکەوتبوو و نزیک بە چوار دەیە ئەندامێکی دڵسۆز و چالاکی حیزبی دێموکرات بوو و لە ماوەی ژیانی شۆڕشگێڕییدا تەنگ و چەڵەمە و سەختیی زۆری چێشتبوو و لە خۆشی و ناخۆشییەکانی ژیانی حیزبیدا لە هەموو کۆڕ و کۆبوونەوەیەکی تەشکیلاتی و بۆنە حیزبییەکاندا بەشداریی چالاکانەی هەبوو. هەروەها لەو کاتانەی کە حیزبی دێموکرات تووشی هەلومەرجی دژوار دەبوو، وەک شێرەژنێکی ئازا دەردەکەوت و هیوای بە کادر و پێشمەرگە و بنەماڵەکانیان دەبەخشی. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,775 times
Write your comment about this item!