دووری و دۊسی
دوور جە ئیدیۊمەکۍ، نزیکی و ئام و شۊ مېیانو خەڵکانە، یام قۆم و کەس وکارینە دۊسی وەشکەرۊن، وەشەویسی دلۍ دڵەکانە منیۊن، ڕەحم و بەزەیی فرە کەرۊن، چوونکوم ئەچا سەردای و ئام و شۊنە زیاتەر ئاگاشان جە بار و گوزەرانو یۊترینی مەبۊن، یاردی یۊترینی مەڎان، یانی دۊسی قۆمی فرەتەر مەبۊن. بەڵام ئیدیۊمەکۍ جېیاوازمان پەنە ماچۊن، دووری مېیانو قۆم و کەس و کارینە مەڵامەتەن پەی دۊسی و مەنەی قۆمایەتی!
مېیانو پېوەڼیە کومەڵیەکانە سەرەڕاو وەشی و شاڎ بېیەی بە یۊترینی، بڕێ گرفتۍ درووسۍ مەبان، مېیانو هەسرۋۍ و ۋەیۋېنە، مېیانو برا و واڵەینە، کە هۊکارەکەش نزیکیەن، ۋەرو ئانەیە فرەتەر وەرکۆتەی ڕوە مڎۊن، زېیاتەر لواینە دلۍ ژیوای یۊترینی مەبۊن، بڕێ جارۍگرفتەکۍ گۆرۍ مەبان، دڵ گرانی و خەم و خەفەت درووس مەبۊن، ئیتر مېیاوان ئا باوەڕیە هەکە واچان هەتا دوور بی، خاستەرەن، وەس نییەن دۊسیمان مەنۊن، ئیدیۊمەکۍ پەنەمان ماچۊن ئام و شۊ و تېکەڵی بە تام، نە بە فرەیی و هەسی، نە بە کەمی و چەنەبڕیای، یانی یاگۍ نیشتەجایی دوورە و ئام و شۊ مەنەی، پەی ئانەی قۆمی و وەشەویسی یاگۍ وېشەنە مەنۊن.[1]
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 463 times
Write your comment about this item!