کۆبوونەوەیەک لە ڕۆشنبیری سلێمانی بۆ دوا ئامادەکارییەکانی فێستیڤاڵی شانۆی شارۆچکەکان لە #چەمچەماڵ# بەڕێوەچوو.
لە ڕێکەوتی #10-09-2023#، بە سەرپەرشتی #حەمەی حەمەسەعید# وەزیری ڕۆشنبیریی و لاوان و بە ئامادەبوونی ڕەمک ڕەمەزان قائیمقامی شارۆچکەی چەمچەماڵ و د. #موحسین ئەدیب# بەڕێوەبەری گشتیی ڕۆشنبیریی و هونەری سلێمانی، کۆبوونەوەی لیژنەی باڵای فیستیڤاڵی شانۆی شارۆچکەکان لە چەمچەماڵ بەڕێوەچوو کە بڕیارە لە #21-09-2023# لە چەمچەماڵ بەڕێوەبچێت.
سەرەتا د.موحسین ئەدیب بەڕێوەبەری گشتیی ڕۆشنبیریی و هونەری سلێمانی وێڕای بەخێرهێنانی وەزیری ڕۆشنبیری و قائیمقامی چەمچەماڵ و لیژنەی باڵاکە، بایەخی فێستیڤاڵەکەی بۆ ئامادەبووان ڕوونکردەوە و وردەکاری ئامادەکارییەکانی باسکرد کە ئامادەکارییەکان لە کۆتایی دایە کە بڕیارە لە ڕۆژانی (21-22-23 /9/ 2023) لە چەمچەماڵ بەڕێوەبچێت و ڕاشیگەیاند کە ئەم فێستیڤاڵە ڕووداوێکی هونەری گرنگە بۆ شاری چەمچەماڵ و سنوورەکە بە گشتی، کە چەندین تیپی شانۆیی لە شارەکانی هەرێمی کوردستان و ڕۆژهەڵاتی کوردستان بەشداری تێدا دەکەن.
پاشان، وەزیری ڕۆشنبیریی و لاوان، وێڕای گرنگی فێستیڤاڵەکە سوپاسی ئەو لایەنانەی کرد کە هاوکاری سەرخستنی فێستیڤاڵەکەن و هاوکار بوونە.
لای خۆشییەوە قائیمقامی چەمچەماڵ ، سوپاس و پێزانی خۆی بۆ وەزارەتی ڕۆشنبیری دووپاتکردەوە بۆ پاڵپشتییەکانیان بۆ سەرکەوتنی چالاکییە هونەرییەکان لە شارەکە.
[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 449 times
Write your comment about this item!