لاشەش تشیۊ
لاشەو بنیاڎەمی دمای مەردەی تشیۊ، یام ڕەنگە وەختو نەوەشیێ قورسینە کە هیچ کەسێ نەبۊ خزمەتش کەرۊن. پېسە دوعێوە یام نزێوە واچیێنە بە بڕێ کەسا، هەم دیس کریان بە ئیدیۆمێ و واچیان. زیاتەر وەراوەر بە ژەنا واچیۊ، بڕێ ژەنی لاشەشا فرە قورسا، تەمەڵېنۍ، پاک و پوختۍ نیەنۍ، تاقەتو هەرمان کەردەیشان نیەنە، خزمەتو یانە و مان و زاروڵەکاچشا بە عالی نمەکەران.
پەی نموونەی، خانەوادێوە کاسە هامسایێ مەکیانۊ پەی هامساکەیشا، ئاڎییچۍ هەرپاسە حاجەتەکا بە پیسی مەکیاناوە، بۍ ئانەی شۊراشا، ژەنەو یانەکەی یەکسەر بە ژەنەو هامساکەیشا ماچۊ: لاشەش تشیۊ، نەتاوانش ئاوێ دۊ ئا حاجەتا.
چن زاروڵێ بە پیس و پۊخڵی مەگنا وەرچەمو ژەنێ، پەی نمونەی مەتیەشا، یام مامۊژەنیشا، ئاڎییچە داخیېنە ماچۊ دەک لاشەو ئەڎێتا تشیۊ.[1]
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 310 times
Write your comment about this item!