ناونیشانی بابەت: کارێکى هونەرى، هەڵەبجە و ڕۆژهەڵاتى کوردستان کۆ دەکاتەوە
ئامادەکردنی: #عومەر عەزیز#
دەرهێنەرێکى هەڵەبجە کوورتەفیلمێک بە ناوى (نیوە) بەرهەم دەهێنێت و کارى وێنەگرتنى دەباتە ڕۆژهەڵاتى #کوردستان#.
عوسمان محەمەد، کە دەرهێنەرى فیلمەکەیە و خەڵکى شارى #هەڵەبجە#یە، لەبارەى بەرهەمهێنانى کوورتە فیلمەکەیەوە، بە (باسکورد)ى ڕاگەیاند: ماوەیەکە دەستمان کردووە بە کارکردن لە بەرهەمهێنانى کوورتەفیلمێک بە ناوى (نیوە)، کە ئەم بەرهەمە کارێکى (بێ دەنگە و هیچ دیالۆگێکى) تێدا نییە.
وتیشى: کوورتەفیلمەکە دەرهێنەرى بەندەیە و لەلایەن (یوسف حەمەساڵح) سیناریۆکەى نووسراوە و دوو ئەکتەرى سەرەکی ڕۆڵی تێدا دەگێڕن، لە شارى #سەقز#ى ڕۆژهەڵاتى کوردستان وێنەى گیراوە و ناوەرۆکەکەى باس لەو گرفت، ئاریشە و سەرگەردانییانەى مرۆڤى دیناى ئەمڕۆ دەکات، ئێستا کارەکانى ئەم بەرهەمە هونەرییە لە قۆناغى کۆتاییدایە و دواى تەواوبوونى، بەشداریى فێستیڤاڵەکانى پێ دەکەین.
ئەو دەرهێنەرە جەختیشی کردەوە: وێڕاى گرنگیى ناوەرۆکى فیلمەکە، یەکێک لە تایبەتمەندییەکانیشى ئەوەیە، کە ئەم بەرهەمە کارێکى هاوبەشى نێوان #هەرێمى کوردستان# و ڕۆژهەڵاتى کوردستانە، دەرهێنەر و نووسەرى سیناریۆکە خەڵکى هەرێمى کوردستانن و کارەکانى دیکەى کوورتەفیلمەکە لەلایەن ژمارەیەک کەسى دیکەوە جێبەجێ کراون، کە خەڵکى ڕۆژهەڵاتى کوردستانن، ئەم پێکەوە کارکردنە هەنگاوێکى گرنگە، کاتێ لەنێوان هونەرمەندانى پارچەکانى کوردستاندا هەبێت. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 454 times
Write your comment about this item!