نامۍ: سەباح
نازنام: هۆرامی
ساڵۊ پېڎابېیەی: 1963ز
ڕۊ مەرڎەی: #29-11-2012#
یاگۊ پېڎابېیەی: #خارگېڵانە-هۆرامان#
یاگۊ مەرڎەی: #سلێمانی#

$ژیۋاینامە$
سەباح هۆرامی دەگاو (خارگېڵانۍ) نزیک بە شارەدەگاو بېیارۍ ئامان دنیا.تەمەنو زارۊڵەیینە خولیاو گۊڕانی واتەی بېیەن، بە چەم بڕیەی گۊرانی واچە ڕەسەن و نامڎارەکا هۆرامانی، تاوانش بە فەترێ کەم وېش فېروو سیاوچەمانەی و بەزمو چەپڵا بکەرۊن، سەرەتاو هەشتاکا، بە دیاریکریایی ساڵەو (1982ز) یەکەم کاسێتی دەنگی وەڵاکەرۊوە، پېشوازیێ فرەش چەنە کریۊن، ئیتر ئەچاگۆ مەشناسیۊن.
سەباحی ڕەحمەتی شېوازێ وېشانەش بېیەن جە گۊرانی واتەینە، جیاواز جە وەڵینەکا، هەرچن جە ئەوەڵۆ ڕەخنەش وەنە گېریان، بەڵام دماتەر بەرکۆتەن کە شېوازەکەش ڕاس و ڕەسەنەن.
جە شارو سلېمانی پێمانگاو کشتیاری تەمامنۊ، ساڵەو (1988ز) پېوەڼی بە ڕیزو پېشمەرگا کوردەسانیۆ کەرۊن.
بەشێ جە خانەواڎەکەیشان دلۍ کیمیایی وارانو هەڵەبجەینە شەهیڎۍ بیېنۍ، وېچش ئاوارەو وەرکۆتو کوردەسانی بېیەن، ئەچاگە قەدرێ فرەش گېریان، زیاتەریچ ئەشناسیان.
خاوەنو زیاتەر جە (100) سەڎ گۊرانیان، کە بڕېشان ئاوازۍ وېشەنۍ. سەباح هۆرامی شېعرۍ شاعېرە کۊنەکاش پەی دلۍ ئاوازەکاش بەکارئاردېنۍ، چوونکوم سەرو کېشو پەنجەینۍ و داراو ئاوازینۍ، یانەکەش یاگۍ گلېرۆبېیەی هونەرمەڼەکا وەرکۆتی و پانیشتی بېیەن. ڕەحمەتی چەنی هەرمانە هونەریەکېش، پەنەۋازیە نەتەوەییەکېش پېسە پېشمەرگێوە بەجا ئاوەردېنۍ، تاریخو (29-11-2012ز) دلۍ ئەرکی پېشمەرگەیینە جە شارو سلېمانی بە سەکتەو زېڵۍ (دڵ) کۊچی دمایینش کەردەن.
دەنگ و سەڎاو سەباح هۆرامی هەر زیڼەن، ئاوازە خەمگین و دڵگیرەکېش ئارامی ڕۊحی مانیاو هۆرامیەکانۍ، هەر دەم شەیدێ دەنگەکەیش وەردەنگۍ سەڎا و ئاوازەکاشەنی.
ئەسعەد ڕەشید. [1]