سادیسمی کەلامی جە شارو مەریوانی
بابەتێوسەرو سادیسمی کەلامی تەوهین وگاڵتە بە ئینسانی هۆرامی جەشاروو مەریوانینە
کرێڵوو واتەکا :
سادیسم، ئەنواعوو سادیسمی، کۆگاو بەکاربەردەو سادیسمی ، جە وۍ بېگانە بېیەی.
وەڵینە
ئینسانەکا بۍ وەرچەم گېرتەی، نژاد، ئایین، ڕەنگ، مقام زوان، باوەر پەی کەرامەت پایەگاو حەیسیەتی مەعنەوی وېشا ئێحترامی فرە منیارە وحازرێنێ حەر هەرمانێو کەرا تا وېشا جە تەعەروز وتەخریبوو دیگەرانی پارێزناو هیج وەخت حازرێ نېیەنێ پنەشا بۍ ئێحترامی وتەوهین کریۆنە، ئی تەوهینە وەختێو پەی فەردێ سەخڵەتا کە ئەرزشەکاو ژیوای پسەو باوەڕ و عەقاید زوان نژاد و بېیەیش جەلایانوو نەفەرێو یا تاقمێو گنۆ وەروو هێرشوو تەوهینو بێ ئێحترامیوە. مزانمۍ ئیسە فرەو ویرچەمە حقۆقیەکا بەهایێوی تایبەتە مذانێ بە ئینسان شناسی حقوقی بەشێوێو کەئینسانی فرەتەر بە نامۆ شناسەو ئینسان بېیەی مارا وەرووباسی، بۍ وەرچەم گېرتەی باوەڕ وکەموو زیاذیش وئایینیش یاجنسیەتیش. ئینەیچ جە فرەبېیەی ئیحترام بەکەرامەتوو ئینسانەکاو پارێزنای حقۆقو ئاوەڕوو وحەیسیەتوو ئینسانەکا سەرچەمە گېرۆ. جەدنیاو ئارۊینە بەهەزاران ویرچەم یاساو ڕێسێ مەرزیێنېرە تاکو وەرگیری کەرا جە ئازاردای تەوهین کەردەی و جە بەین بەردۆ مەرگی جەماوەری یام ژنوسیدی فرهنگی، چی وتارەنە پەیما هەن بڕېو وردەکاریێ جەتەوهین کەرذەی بەهۆرامی زوانەکا جەلایانوو سۆرانی زوانەکاو (شارو مەریوان)یوە وزمێ وەرەڕوو. بەچەمو نەقدی تاتقوو وێچنش کەرمۍ، دیارکوەکاش وزمێ وەرچەم تاکو بەڵکوم تاومۍ ئا ڕېکۋزیایا کە هەرمانێ فەرهەنگیە جەشاروو مەریوانینە کەرانێ تاوانە دلێ سمینار و جەمەکا وېشانە کەراش بابەتوو پەیجورکاریەکاشاو بۆ بەدڵە ورکۆ گرذوو خەڵکوو مەریوانی .[1]
This item has been written in (هەورامی - Kurdish Hawrami) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 263 times
Write your comment about this item!