#کەمال کەرکووکی#، بەرپرسی مەکتەبی ڕێکخستنی #پارتی دیموکراتی کوردستان# لە #کەرکووک#- #گەرمیان#، ڕایگەیاند، ئەگەر سەرکردایەتی پارتی بڕیار بدات ئەمشەو #16-10-2023# و دەگەڕێنەوە بۆ شاری کەرکووک.
کەمال کەرکووکی، لە کۆنفرانسێکی ڕۆژنامەوانیدا ڕایگەیاند: لەم ڕۆژەدا پێتان ڕادەگەیەنن، کە ژمارەیەک کەسی نیشتمانپەروەر، کە لە ڕیزەکانی #یەکێتیی نیشتمانیی کوردستان# بوون، دوای گەیشتنیان بەو بڕوایەی، کە پارتی بە کارەکانی و هەڵوێستەکانی بۆ گەل و نیشتمان کار دەکات، لەبەر ئەوە بڕیاریان داوە بێنە ناو ڕیزەکانی پارتی.
وتیشی: ئێمە وەکوو مەکتەبی ڕێکخستنی پارتی لە کەرکووک-گەرمیان، ئەو کەسانە و بنەماڵەکەیان دەناسین، دەشڵێت، هەمیشە وتومانە هەموو پارتەکانی کوردستان، خەڵکی دڵسۆز و گیان لەسەردەستیان هەیە بۆ مافەکانی گەلی کوردستان.
ئاماژەی بەوەشکرد: ئێمە جارجار کە باسی لایەنێک دەکەین، ژمارەیەک خیانەتکار لەناو ئەو لایەنەدا هەیە، کە بوونە هۆکاری ئەوەی خیانەتی 16ی ئۆکتۆبەر ڕووبدات.
وتیشی: ئەوانەی هاتونەتە ڕیزەکانی پارتی لە بنەماڵەی شەهید هاوکارن، هەموو کە ئەو خەباتەیان بۆ هەژمار دەکرێت، وەک ئەوەی لەناو ڕیزەکانی پارتی بووبن و کارییان کردبێت.
لە بارەی گەڕانەوەیان بۆ کەرکووک، کەمال کەرکووکی وتی: ئەگەر سەرکردایەتی پارتی بڕیار بدات ئەمشەو 16-10-2023 دەگەڕێنەوە بۆ ناو شاری کەرکووک.
لە دوای ڕووداوەکانی 16ی ئۆکتۆبەری 2017، پارتی دیموکراتی کوردستان لە کەرکووک کشاوەتەوە و تا ئێستا وەک بارەگا نەگەڕاوەتەوە بۆ شارەکە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 314 times
Write your comment about this item!