لەسەر داوای پەڕڵەمانتارێکی #پارتی دیموکراتی کوردستان# و بە ھەوڵی فراکسیۆنی پارتی لە پەڕڵەمانی ئێراق ژمارەیەک مزگەوت لە ناوچە کوردستانییەکان درووست دەکرێن و پەڕڵەمانتارێکی پارتیش دەڵێ، چەندین پڕۆژەی دیکەمان پێشنیار کردووە بۆ جێبەجێکردن.
کاڤین شێخ سەعید، پەڕڵەمانتاری فراکسیۆنی پارتی لە پەڕڵەمانی ئێراق ڕایگەیاند: بە ھەوڵی فراکسیۆنی پارتی ڕەزامەندی جێبەجێکردنی دەیان پڕۆژەمان بەدەست ھێناوە لە ناوچە کوردستانییەکانی دەرەوەی ئیدارەی #حکومەتی ھەرێمی کوردستان# و بەردەوام سەردانی وەزارەتە پەیوەندارەکانمان کردووە بۆ ئەوەی پڕۆژەی خزمەتگوزاری لەو ناوچانە جێبەجێ بکرێن و خۆمان بە نوێنەری ڕاستەقینەی ھاووڵاتییان زانیوە.
پەڕڵەمانتارەکەی پارتی وتی: لە دوایین سەردانی بەندە و مەشعان خەزرەجی سەرۆکی دیوانی وەقفی سووننە لە ئێراق ڕەزامەندی لەسەر داوکاری ئێمە نیشاندا بۆ درووستکردنی پێنج مزگەوت ئەوانیش لە #شێخان#، فەیدیە، #تلکێف#، وانە و باشیکە.
کاڤین شێخ سەعید ئاماژەی بۆ ئەوەکرد: جگە لە درووستکردنی پێنج مزگەوت 20 مزگەوتی دیکەش لە ناوچە کوردستانییەکانی ئیدارەی دەرەوەی حکوومەتی ھەرێمی کوردستان نۆژەن دەکرێنەوە، چەندین پڕۆژەی دیکەشمان ئامادەکردووە و پێشنیارمان بۆ وەزارەت و لایەنە پەیوەندیدارەکان بەرزکردووەتەوە بۆ ئەوەی پەسەند بکرێن، بەردەوامیش دەبین لەسەر گەیاندنی پڕۆژەی خزمەتگوزاری بۆ ھەموو ناوچەکان بەبێ جیاوازی. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 222 times
Write your comment about this item!