ماڵوێران خۆت
چیم نەکرد بۆت؟
کام ڕێگایەم گوڵڕێژ نەکرد بۆ هاتوچۆت ...
بۆچی واتکرد ...؟
ماڵوێران خۆم
کام شەو هەبو نەبم بەمۆم
بۆچی واتکرد ...؟
ئەمێستاکە
کێ نازکێشی شەوەکانتە ؟
کێ هەڵگری ڕق و قین و جوێنەکانتە... ؟
بۆچی واتکرد ،،،
ئاخر بۆچی ؟؟؟
کە ئەتزانی جێم ئەهێڵی بۆچی هێشتت
بەناو هەموو بونما ڕۆچی ،
ئاخر بۆچی ؟؟؟
ماڵوێران خۆت
منت نەبم وەفاداری دوایت کوانێ ؟؟؟
کێ ئەتوانێ نیوەی عومری
لەڕێیی خەندەیەکتا دانێ.. ؟؟
ماڵوێران خۆت ...
ئەوەی جاران بۆ ڕۆناکی شەوەکانت
ئەسوتا بۆت ...
ئاوابوو ڕۆی
بۆ لەمەودوا
مەگەڕێ بۆی ... مەگەڕێ بۆی
ناوی نووسەر: #بەڵێن سەنگاوی# [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 104 times
Write your comment about this item!