#قوباد تاڵەبانی# جێگری سەرۆک وەزیران پێشوازی کرد لە ئەلینا ڕۆمانۆسکی باڵیۆزی ئەمریکا لە ئێراق و لە کۆبوونەوەی نێوانیاندا دۆخی ئەمنی ناوچەکە و چەند پرسی دیکەی جێی بایەخی ھەردوولا تاوتوێ کران.
لە تەوەری سەرەکی کۆبوونەوەکەدا کە ڕۆژی #01-11-2023# لە #ھەولێر# بەڕێوەچوو و مارک سترۆ کونسوڵی گشتیی ئەمریکا لە ھەرێم ئامادەی بوو، گفتوگۆکرا لە بارەی دۆخی ئەمنی ناوچەکە و لەمبارەیەوە، جێگری سەرۆک وەزیران نیگەرانی خۆی لە ئەگەری پەرەسەندنی بارگرژییەکان دەربڕی و داوای کرد حکومەتی فیدراڵ و لایەنە ئێراقییەکان بە ھەستیارییەوە مامەڵە لەگەڵ ئەم بارودۆخەدا بکەن و ڕێگە نەدەن ئاساییش و سەقامگیری ئێراق بکەوێتە مەترسییەوە.
قوباد تاڵەبانی ئاماژەی بەوەشدا لە ئەگەری پەرەسەندنی ئاڵۆزییەکاندا، ھەموو ناوچەکە زیانی بەردەکەوێت، ھەربۆیە پێویستە کۆمەڵگەی نێودەوڵەتی و بە تایبەتیش وڵاتانی کاریگەریی ناوچەکە لە ڕێگەی دیپلۆماسییەوە ھەموو ھەوڵەکانیان بخەنەگەڕ بۆ ھێورکردنەوەی بارگرژییەکان و ڕێگریکردن لە تێکچوونی زیاتری سەقامگیری ناوچەکە.
ھەر لە کۆبوونەوەکەدا دۆخی سیاسی و ئابووری ھەرێمی کوردستان و پەیوەندییەکانی نێوان ھەرێم و #بەغدا# و چۆنییەتی چارەسەرکردنی گرفتەکانی بەردەم جێبەجێکردنی یاسای بودجە تاوتوێ کران. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 209 times
Write your comment about this item!