گوتەبێژی سەرۆکایەتی شارەوانی #دھۆک# ئاماژەی بۆ ئەوەکرد، ساڵی ڕابردوو 2023 دەیان پڕۆژە لە سنووری شاری دھۆک جێبەجێکراون و بڕیارە ئەمساڵیش 2024 چەندین پڕۆژەی دیکەی خزمەتگوزاری بخرێنە بواری جێبەجێکردن.
ئیسماعیل مستەفا، گوتەبێژی سەرۆکایەتی شارەوانی دھۆک ڕایگەیاند: ساڵی ڕابردوو لە سنووری شارەوانی دھۆک بە گوژمەی زیاتر لە 25 ملیۆن دۆلار پڕۆژە جێبەجێکراون، بەشێک لەو پڕۆژانە تەواوکراون و بەشێکی دیکەیشیان لەژێر جێبەجێکردندان، سەرجەمیان 75 پڕۆژەی ھەمەجۆرن، دوای تەواوبوونیان شاری دھۆک دەچێتە قۆناغێکی دیکەی ئاوەدانی.
گوتەبێژی سەرۆکایەتی شارەوانی دھۆک وتی: ساڵی ڕابردوو سەرۆکایەتی شارەوانی دھۆک گرینگییەکی زۆری بە درووستکردنی پارک و چاندنی گوڵ داوە و پێنج پارک لە سەنتەری شاری دھۆک درووستکراون بۆ خزمەتی ھاووڵاتییان و نیشاندانی ڕووی جوانی دھۆک لەگەڵ چاندنی ھەزاران دار و نەمام و گوڵ.
ئیسماعیل مستەفا ئاماژەی بۆ ئەوە کرد: ھەر ساڵی ڕابردوو لەسەر بڕیاری سەرۆکی #حکومەتی هەرێمی کوردستان# ژمارەیەکی زۆری مامەڵەی ھاووڵاتییان بۆ تاپۆکردنی خانووی زێدەڕۆ لە چوارچێوەی یاسادا بەڕێوەبراون، ئەمساڵیش 2024 کار بۆ جێبەجێکردنی دەیان پڕۆژەی دیکە دەکرێت. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 201 times
Write your comment about this item!