ئێوارەى ئەمڕۆ شەممە #13-01-2024# بەڕێز #نێچیرڤان بارزانى#، سەرۆکى هەرێمى کوردستان لە کۆبوونەوەیەکدا لە #بەغدا# لەگەڵ بەڕێز فایەق زێدان، سەرۆکى ئەنجوومەنى باڵاى دادوەریى ئێراق، هاریکاریى نێوان دەسەڵاتى دادوەرى لە ئێراق و هەرێمى کوردستان و پێویستیى پاراستنى ئارامى و سەقامگیریى وڵاتیان تاوتوێ کرد.
هەردوولا جەختیان لە ڕۆڵ و پێگەى دەسەڵاتى دادوەرى و یارمەتیدانى بۆ چارەسەرکردنى کێشەکانى وڵات کردەوە، هەروەها ئاماژەیان بە هێرشکردنە سەر نێردە دیپلۆماتییەکان و هێزەکانى هاوپەیمانان و بە ئامانج گرتنى پێشمەرگە کرد.
لەمبارەیەوە هەردوولا هاوڕا بوون کە دەبێت ئارامى و ئاساییشى وڵات پارێزراو بێت و ئێراق نەخزێتە نێو کێشە و ئاڵۆزییەکانى ناوچەکەوە، هەروەها بە ئامانج گرتنى پێشمەرگەیان بە زیان بۆ ئارامى و سەقامگیریی وڵات لە قەڵەم دا. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 189 times
Write your comment about this item!