بریکاری وەزارەتی ئاوەدانکردنەوەی #حکومەتی هەرێمی کوردستان# وتی: دوو پڕۆژەی گرنگی ڕێگاوبان دوای ڕەزامەندی درووستکردنیان کرانە تەندەر، ئێستا کراونەتەوە و لە قۆناغی دیراسەکردن داین، دوای ئەوەی بڕیاری کۆتایی لێ دەدرێت دەدرێتە کۆمپانیا و دەستبەجێبەجێکردنی پڕۆژەکە دەکرێت.
دکتۆر ئاگرین عەبدوڵڵا، بۆ ماڵپەڕی فەرمیی پارتی دیموکراتی کوردستان وتی: دوای ئەوەی ڕەزامەندی لەسەر درووستکردنی ھەردوو پڕۆژەی ڕێگای #بەردەڕەش# بۆ کەڵەک و #ئاکرێ# بۆ #قەندیل# درا، درایە تەندەر و تەندەریش ئێستا کراوەتەوە و لە قۆناغی دیراسەکردن دایە، ھەرکاتێک دیراسەکردنی تەواو بێت دەدرێتە کۆمپانیا و دەست بە جێبەجێ کردنی پڕۆژەکان دەکرێت.
دکتۆر ئاگرین عەبدوڵڵا وتیشی: تەندەر دوو قۆناغی ھەیە کردنەوەی تەندەر و دیراسەکردنی، دوای دیراسەکردنەکە تەواو دەبێت و وەزیر ڕەزامەندی لەسەر دەدات، ئەو کات ئیحالە دەکرێت بۆ کۆمپانیا، جارێ دیراسە دەکرێت کە تەواو بوو ئەو کات وردەکاریەکانیش دەخرێنە ڕوو.
بڕیارە ڕێگای بەردەڕەش بۆ کەڵەک بکرێتە دووساید و چاوەڕێ دەکرێت پێویستی بە 100ملیار دینار ھەبێت و پڕۆژەی ئاکرێ بۆ قەندیلیش ڕێگایەکی گرنگە، سایدێکی چاککراوە و سایدەکەی دیکەش چاک دەکرێت، لەبەر ئەوەی ڕێگاکە پێویستی بە چاککردن و درووستکردن ھەیە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 321 times
Write your comment about this item!