کورد دلۍ چەرخەکا تاریخینە
بەشۍ: سی و حۆتەمە
نویستەی: #هاوڕێ باخەوان#

ساڵەو (700 و.ز) دۆڵەتی ماد دلۍ کوردەسانینە مەرزیانەرە، ئاشوورییەکۍ دۆروبەرو ئی ساڵېنە خەڵکو ئارامی زوانۍ ناوچەکانو سووریایشان ئاردۍ پەی ناوچەکانو مادی و چاگە نیشتەجایېشان کەردۍ، ئا ناوچۍ نامۍ نریێ سوری ماد.
ساڵەو (699 و.ز) قومېیاو جەنگێ نزیک بە کەشو جودی، مېیانو ناییریەکا و پاشاو ئاشوورییەکا سەنحاریبینە.
ساڵەو (695 و.ز) ئاشوورییەکۍ هېرششان کەردەن پەی سەرو ئیلامییەکانو ناوچەو لوڕستانی.
ساڵەو (689 و.ز) ئیلامییەکۍ و بابلیەکۍ دژو ئاشوورییەکا ڕېکۍ کۆتۍ.
ساڵەو (680 و.ز) دیاکۆ پاشاو مادەکا یۊگېرتێش مېیانو مادەکانە وەشکەرد.
ساڵەو (679 و.ز) پاشاو ئاشوورییەکا (ئەسەرحەدون) ئەچی ساڵېنە نامۍ ناوچەو بۊتانیش بە (بوداوا) نامۍ بەردەن.
ساڵەو (675 و.ز) تاکو ساڵەو (653 و.ز) ماوەو فەرمانڕەوایی (فرائورت) ی پاشاو مادەکا بېیەن.[1]