کورد دلۍ چەرخەکا تاریخینە
بەشۍ: چل و پەنجەمە
نویستەی: #هاوڕێ باخەوان#
ساڵەو (400 و.ز): گەزنەفۆن ئەچی ساڵېنە پەی یەکەمین جاری دلۍ کتېبەکەیشەنە باسو گەلو کوردیش کەردەن.
ساڵەو (331 و.ز): ئەچی ساڵېنە جەنگێ گۆرە میانو سوپاو ئەسکەڼەری مەکدۊنی و دارای یەرەمینو فارسەکا نزیک بە شارو هۆلېری قومیان، کە دۆڵەتی هەخامەنشیی فارسی ۋڕان، ئا جەنگە نامېش جەنگو (گەوگەمیللا) بېیەن، نەتیجەنە کوردەسانیچ بییەن بە بەشێ جە ئیمپراتۆری یۆنانی، گەلو کاردۆی کە باباگۆرۍ کوردینۍ، دلۍ ڕیزەکا سوپاو فارسینە بیېنۍ.
ساڵەو (320 و.ز): ئەچی ساڵېنە فەرمانڕەوایی مادی گولانە یام ئاترۆپاتینی مەرزیانەرە دلۍ ناوچەو موکریانینە.
ساڵەو (293 و.ز): ئی ساڵۍ تاریخو نویسیاکا نەرسی یام پێکەرو پەیکۆڵی جە کوردەسانەنە نیشانە مڎۊن.
ساڵەو 161-- 155و.ز): چی ماوەنە پارسەکۍ هېرششەکېشان پەی سەرو مادەکا کەردېنۍ.
ساڵەو (88 و.ز): چن دیکۊمێنتێ نویسیێ دەربارەو ۋرەتە و ئەسای مېوەدەیمۍ دلۍ ناوچەو هۆرامانینە ئېزیێنێ کە تاریخو نویستەکەیشان مەگېڵۊوە پەی ئی ساڵۍ، یانی ساڵەو (88 و.ز).
ئی تۊمارۍ پەنەشان ماچان قەباڵەکی هۆرامانی، کە یەرۍ دڼېنۍ و تاریخو دوېشان مەگېڵۊوە پەی ئی ساڵۍ و هینەو یەرەمېشان مەگېڵۊوە پەی چن ساڵێ دماتەری.
ئەسعەد ڕەشید.[1]
Kurdipedia is not responsible for the content of this item. We recorded it for archival purposes.
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 969 times
Write your comment about this item!