وڵاتی خەم
دوا دیداری ڕۆژهەڵاتنم
ئازار و ژان بوو خەڵاتم
شاری دەرد و، وڵاتی خەم
کوچە و بازاڕ، شەقام ماتەم
ساردیی مرۆڤ، ژیان ئەستەم
گیرفان بەتاڵ، حاکم بێ خەم
شێرپەنجەی دڵ، بە بێ مەرهەم
خەزانی عەشق، گریانی شەم
زووخاوی دڵ، شەرابی سەم
بۆکڕووزی هەناو هەر دەم
شکۆی ژنان، شکا بە جەم
گەنجان پیر و پیران بێ ژەم
لوورەی گورگە و جەستەی ئادەم
تەمتومانی تاماری تەم
ئاسەواری زوڵم و ستەم
جەرگم خوێنە و نزا دەکەم
دایم هەست بە سزا دەکەم
پڕ بە گەرووم هاواردەکەم
کە تۆم هەیە و کە منت هەم
بۆ بێ کەسیی وڵاتەکەم
#2018-01-15#
دیوانی: #پێکەنین بەتامی گریان#
هۆزانەوان: #نەسرین تەنیا# [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 230 times
Write your comment about this item!