لە دیدارێکدا لەگەڵ سکرتێری مەکتەبی سیاسیی #پارتی دیموکراتی کوردستان#، کۆنسوڵی نوێی بەریتانیا، پشتیووانیی وڵاتەکەی بۆ سەقامگیریی هەرێمی کوردستان دووپات کردەوە.
ئەمڕۆ #13-09-2021# لە بارەگای مەکتەبی سیاسی، #فازڵ میرانی#، سکرتێری مەکتەبی سیاسیی پارتی دیموکراتی کوردستان، پێشوازی لە (دیڤید هنت) کۆنسوڵی نوێی بەریتانیا و شاندی یاوەری لە هەرێمی کوردستان کرد.
لە دیدارەکەدا، وێڕای بەخێرهێنانی شاندی میوان، سکرتێری مەکتەبی سیاسی پیرۆزبایی دەستبەکاربوونی لە کۆنسوڵی تازە کرد و هیوای سەرکەوتنی لە ئەرکەکەیدا بۆ خواست، ئامادەیی پارتی دیموکراتی کوردستانیشی بۆ هاوکاری و هەماهەنگی لەپێناو سەرخستنی کارەکانیان و زیاتر پتەوکردنی پەیوەندییەکان، دەربڕی.
لای خۆیەوە، کۆنسوڵی نوێی بەریتانیا سوپاسی سکرتێری مەکتەبی سیاسیی کرد بۆ ئەم پێشوازییە و، پشتیووانیی بەریتانیاشی بۆ سەقامگیریی هەرێمی کوردستان دووپات کردەوە.
بارودۆخی سیاسیی ئێراق و هەرێمی کوردستان و ناوچەکە و هەڵبژاردنەکانی داهاتووی ئەنجوومەنی نوێنەرانی ئێراق، تەوەرێکی دیکەی دیدارەکە بوون. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 225 times
Write your comment about this item!