مافەکۍ خەڵکو هۆرامانی
ئانە کە ئارو هۆرامیەکیش وستینی جموجول و دەسشا بەردەن پەی قەڵەمی، پەراویز وستەی و گوشپەنە نەدای دەسەڵاتیویا کە باسو دیموکراسی فرە بە عەجیب و غەریب کەرو. دیموکراسی لا ئی دەسەڵاتیۆ خرت بېیەنۆ دلی بازنیویەنە هەر دۆرو ویشەنە سوڕموەرو هیج پیشرەفتیو مەکەرو کە مەردم ڕەفاهیتەیوش پەی دروس بوو. دیموکراسی و کە مشیوم دەنگدای بوو، بەڵام دەنگەکی مشیوم پەی ئادی با، مشیوم مافو ویرو ڕای ئازادی بوو، بەڵام پاشەرتە زەرەرش نەبوو پەی ئاڎی، ئازادی مەزهەبی بوو، بەڵام دوی گەنجی نیشتیرە ماناو قورئانیشا کەردە تنی زینانیشا کەراشا تاکو پیری نەبا ئاسمانی مەوینا، مافو نویستەیو ، میدیای ئازادیو ڕۊژنامەگەری بوو، بەڵام زوانی ڕەسمی فەقەت زوانو دەسەڵاتیا، ماباقی ئەر بە زوان و فەرهەنگو ویشا جماوە ئانە خەتەرو ئاساییشی نەتەوەیش هەن. ئی بەرخوردە سەقەتی هۆکارینی پەی جەگوڕنیای بەشیوی گۆرەی فەرهەنگی کوردی. هۆرامیەکی کە خاوەنو فەرهەنگیوی ڕەسەنی و کونېیەنی کە ڕیشەش جە زەردەشتی و ئاڤێستایۆ بەرمشو، پەیشا بەردینە پانەیە کە تاقە چاریو پەی ئەوەمەنەی زوانەکەیشا بە زیڼەیی، بە ڕەسمی کەردەیشا دلی دەستورو هەرېمیەنە و پەنە وانایشا دلی مەدرەسەکانە و هەر پاسە ئەلتەرناتیڤ بوو پەی زوانی ئیداری.
هۆرامان عەبدولڕەحمان.[1]
This item has been written in (هەورامی) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 173 times
Write your comment about this item!