#گوندێ حەردان#
ئەڤ گوندە دکەڤیتە باشوورێ چیایێ باژێڕۆکێ #شنگال#، و ئاکنجیێن ڤی گوندی هەموو ئێزدینە. هەرهۆسا چەندین جهێن پیرۆزێ ئاینێ ئێزدیان دکەڤنە گوندێ حەردان و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خوە داخواز دکەن، خەلکێ گوندێ حەردان لدیف ئامارێن بەری هاتنا #داعش#ێ بۆ شنگال ل ساڵا 2010 نێزیکی ( 4،000) چار هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ گوندێ حەردان هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعشێ، گەلەک خێزان ژی ئاوەریی باژێڕێن #دهۆک# و #زاخۆ# و #سلێمانی# بوینە و هەروەسا کۆچکرینە بۆ وەڵاتێن ئەوروپی. (474) چار سەد و حەفتی و چار کەس ژ گوندێ حەردان بووینە قوربانی دەستێ دەولەتا ئیسلامی یا ب ناڤێ داعش، کۆمەڵا وان کەسێن بوینە قوربانیێ داعشێ 205 زەڵام و 269 ژن بوون، 2 زەلام و 2 ژن هاتن ئەنفالکرن، 124 زەلام و 70 ژن ژی هاتن بێسەر و شوین کرن، 79 زەلام و 197 ژن هاتن ڕزگار کرن ژ دەستێ دەولەتا ئیسلامی ب ناڤێ داعش، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ دنها دا گوندێ حەردان گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
This item has been written in (کرمانجی - کوردیی سەروو) language, click on icon
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 181 times