#بافڵ تاڵەبانی#، سەرۆکی #یەکێتیی نیشتمانیی کوردستان# لە بارەگای مەکتەبی سیاسی لە #هەولێر# پێشوازی لە خاتوو ڤیکتۆریا تەیلەر، جێگری یاریدەدەری وەزیری دەرەوەی ئەمریکا کرد.
لە دیدارێکدا کە مارک سترۆ، کونسوڵی گشتیی ئەمریکا لە هەرێمی کوردستان ئامادە بوو، دوایین گۆڕانکارییە سیاسی، ئابووری و ئەمنییەکانی هەرێم، ئێراق، ناوچەکە و پرسی هەڵبژاردنی پەڕڵەمانی کوردستان گفتوگۆیان لەبارەوە کرا و بەردەوامیی گفتوگۆی بوونیادنەرانەی نێوان هێز و لایەنە سیاسییەکان لەپێناو پاراستنی سەقامگیری و زاڵبوون بەسەر ئاڵنگارییەکاندا دووپاتکرایەوە.
لە درێژەی دیدارەکەدا ڕۆڵ و ئەرکی داهاتووی هێزەکانی هاوپەیمانان لە ڕووبەڕووبوونەوەی تیرۆر و هاریکارییەکانیان بۆ هێزە چەکدارەکانی هەرێمی کوردستان و ئێراق تاوتوێکرا و لەو بارەیەوە بافڵ تاڵەبانی ڕایگەیاند: دەبێت مانەوەی هێزەکانی هاوپەیمانان لەگەڵ واقیع و پێویستییەکانی ئەمڕۆی ناوچەکە بگونجێت و ببێتە مایەی سەقامگیریی ناوچەکە، بۆ ئەمەش پشتیووانیی لە گفتوگۆکانی نێوان حکومەتی ئێراق و هاوپەیمانان دەکەین بۆ گەیشتن بە لێکتێگەیشتنێکی هاوبەش کە خزمەت بەئارامی و ئاساییشی ناوچەکە بکات.
پرسی هەڵبژاردن لە هەرێمی کوردستان تەوەرێکی تری دیدارەکە بوو و بیروڕای لەبارەوە ئاڵوگۆڕ کرا، لەو چوارچێوەیەشدا بافڵ تاڵەبانی هەڵوێستی یەکێتی ڕوونکردەوە و وتی: یەکێتی پێداگری لە بەڕێوەچوونی هەڵبژاردنێکی بێگەرد دەکات لەو وادەیەی دیاریکراوە، هەوڵەکانیشمان بۆ ئەوە بوو تاوەکوو سیستمێک پەیڕەو بکرێت کە گوزارشت لە هەلومەرجی ئەمڕۆی هەرێمەکەمان بکات و ببێتە مایەی بەهێزکردنی پایەکانی دیموکراسی.
وتیشی: هەڵبژاردن بەو شێوەیەی کە هەبوو زیاتر دەبووە مایەی لەکەدارکردنی ئەزموونی هەرێم نەک بەهێزترکردنی. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 107 times
Write your comment about this item!