بەڕێوەبەری چاککردنەوە و پاراستنی ڕێگاوبانی ئیدارەی سەربەخۆی #زاخۆ# دەڵێت: لە سنووری ئیدارەی سەربەخۆی زاخۆ بەردەوام پڕۆژەی تازە ئەنجام دەدرێن، ئێستا نۆ پڕۆژە بە گوژمەی ھەشت ملیار دینار لە بواری جێبەجێ کردن دان.
بەشار معاوی سەعید: بەڕێوەبەری چاککردنەوە و پاراستنی ڕێگاوبانی ئیدارەی سەربەخۆی زاخۆ، وتی: ئێستا لە سنووری ئیدارەی سەربەخۆی زاخۆ نۆ پڕۆژەمان لە ناوچەی دەرکار، بێگوڤا، ڕزگاری، ڕێگای سەرەکی و گوندەکان کاریان تێدا دەکرێت، ھەر پڕۆژەیەک بودجەیەکی بۆ تەرخان کراوە، لە 500 ملیۆن دینار تا ملیارێک دەست پێدەکات.
بەشار معاوی وتی: کۆی گشتیی ئەو بودجەیەی بۆ ئەو نۆ پڕۆژەیە تەرخانکراوە دەگاتە ھەشت ملیار دینار، چونکە ئێمە پلانی بەردەواممان ھەیە بۆ چاککردنەوە و نوژەنکردنەوەی ڕێگاکان، حکوومەتیش بەردەوام بودجەمان بۆ تەرخان دەکات، ئێمەش بەشێوەیەکی زۆر باش ڕێگاکان نۆژەن دەکەینەوە، بۆیە ڕێژەی تەواوکردنی پڕۆژەکانیش جۆراوجۆرە، ھەیە 10% و ھەندێکیش 90%ی تەواو بووە، بۆیە ڕێژەی تەواوبوونی ھەر یەکێک بە ڕێژەیەکە.
ھەر ئەمڕۆ #02-06-2024# بەڕێوەبەرایەتی ھاتوچۆی ئیدارەی سەربەخۆی زاخۆ ئاگاداری شوفێران دەکاتەوە، لەئەمڕۆ 02-06-2024وە ڕێگای سەرەکی دھۆک بۆ زاخۆ لە نزیک تونێلی زاخۆ بەھۆی نۆژەنکردنەوەوە دەگیرێت، سایدی ھاتن لە #دھۆک# بۆ زاخۆ دەبێتە یەک ساید، لە زاخۆ بۆ دھۆکیش سایدی چوون لە تونێلی گەلی زاخۆ بۆ جادەی خزمەتگوزاری دەگوازرێتەوە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 80 times
Write your comment about this item!