لەو کاتەدا شۆخە کچێکی نازدارت
کرد بە بووکی ناو ژوورەکەت
دەخیلت بم، ئاگات لێ بێ
بۆنی پەنجەکانم نەکات، لە گوڵدان و لەسەر تاق و پەنجەرەکەت.
کە پێی وتی:
«بۆنی تۆ گوڵێکی هەڵوەریو دێتە لووتم»
بڵێ: «گیانە، دڵنیابە، جگە لە تۆ،
گوڵێک نییە لەم جیهانە»
نەکەی ناوی من بهێنی
بەختەوەری لە ژوورەکەت بتۆرێنی!
ئەگەر هاتوو ژنێکت دی
بەژنی بە خەم داپۆشیوە
چاوانی کز و خەمبار
لێوەکانی وشک هەڵگەڕاو
بە شێوەیا یادت کردم
دانەچڵەکی
نەڵێی وێنەی ئەم هەژارە
لە ئەلبۆمی ڕابردووما یادگارە. [1]
هۆنەر: #ژیلا حسێنی#
پەرتووکی: #گەشەی ئەوین#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 54 times
Write your comment about this item!