خۊ کابە کەچ نەبیەن
کابە، کەعبە، یانەو خوڎای. هەرچن بەپاو ئایینو ئیسلامی قیمەت و هەم ئېژاو ئینسانی ئینا سەری کابەیۆ، بەڵام یانەو خوڎای(کابە) قەدرێ گۆرەو پیروزیێ فرەش لاو موسوڵماناوە هەن. ئی ئیدیۆمۍ پابەڼی هۆرامیەکا بەرمەوزۊن بە ئایینو ئیسلامیۆ، قووڵی باوەڕیشان نیشانە مڎۊن، چەنی گەر کەسێ هەرمانێ ناجۊرە، یام هەڵێوە گولانە بکەرۊن مەبەخشاش، پانەی هەکە گرڎکەس هەڵە کەرۊن، هەڵەکەو ئاڎییچی فرە گۆرە نییەن، خۊ یانەو خوڎایش کەچ و عێبدار نەکەردەن. کەچکەردەی یانەو خوڎای هېڵی سوورەن، ئانە بەخشایش نییەن. شەرت نییەن ئا کەسە هەڵەش کەردەبۊ، تاوانێش ئەنجام دابۊ، ڕەنگا دژمانێش دێبۊ بە کەسێ، ئیتر ماچان: دەی برا خۊ کابەش کەچ نەکەردەن، نەزانانش، ئانەی نمارۊ سەرش بلدۍ.[1]
This item has been written in (هەورامی) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 14 times
Write your comment about this item!