پاشنیوەڕۆی ئەمڕۆ چوارشەممە، #03-07-2024#، لە شاری #بەغدا#، #مەسعود بارزانی# پێشوازی لە خاتوو ئەلینا ڕۆمانسکی باڵیۆزی ئەمەریکا لە ئێراق کرد.
لە دیدارەکەدا مەسعود بارزانی ڕۆشنایی خستەسەر هۆکارەکانی سەردانی بۆ بەغدا و ئاماژەی بەوەدا کە دوای ئەوەی هەست بەوە کرا کە نیازپاکی هەیە لە چارەسەرکردنی گرفتەکان و پابەندبوون بە دەستوور و درووستبوونی کەشێکی ئەرێنی لە بەغدا و هەروەها بۆ باسکردنی ئەو بابەتانەی کە ڕەهەندی نیشتمانی هەیە سەردانی بەغدای کردووە.
پەیوەست بە مانەوەی هێزی هاوپەیمانان مەسعود بارزانی ڕایگەیاند کە ئەمە پرسێکی نیشتمانییە و پەیوەست نییە بە لایەنێک و دەبێت سەقامگیریی و بەرژەوەندییەکانی ئێراق لەبەرچاو بگیرێت.
هەر لەو دیدارەدا باڵیۆزی ئەمەریکا لە ئێراق پشتیووانیی وڵاتەکەی بۆ سەردانەکەی مەسعود بارزانی و باشتربوونی پەیوەندییەکانی هەرێم و بەغدا ڕاگەیاند و جەختی کردەوە هانی #حکومەتی هەرێمی کوردستان# و حکوومەتی ئێراقی فیدڕاڵ دەدەن بۆ بەرەوپێشبردنی پەیوەندییەکانیان و بەردەوامی و بەهێزکردنی دیالۆگی نێوانیان.
سەبارەت بە هەڵبژاردنەکانی هەرێمیش باڵیۆزی ئەمەریکا پێشوازی لە دیاریکردنی کاتی بەڕێوەچوونی هەڵبژاردنەکانی پەڕڵەمانی کوردستانی کرد. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 31 times
Write your comment about this item!