یوەمین هەمامەو نویستەو ڕازا پەی زاڕۆڵاو هۆرامانی ملو ڕاوە
یەکۆمین جەشنواره و دا‌ستان نویسی زاڕۆڵاو هۆرامانی خەرمانەمانگەو (شهریور) ئێساڵی جە لاو مۆئەسێسەی فەرهەنگی و هونەری چن مەنزووره و لهونی و بە یا‌روەی ئێداره و فەرهەنگ و ڕانموونی شارەسانوو سەڵواوای ملۆ ڕاوە.
حەز پەنەکەرې متاوا جە دوې گرووهێ تەمەن (10 تاکو 12 ساڵ) و (13 تاکو 15 ساڵ) ئەچی جەشنوارەنە بەشدارې با. هەر بەشداربېیێو متاوۆ ئەوپەڕش یەرێ بەرهەمێ کیانۆ پەی نویسینگەو جەشنوارەی. ئا بەرهەمێ کیانیا، نمەبۊ هیچ جەشنواره یا کێوڵکانېوتەرەنه بەشدارې بېیێبا.
به پاو ئی هاگاڎاریە، دمایین پەرڎۆچوو کېیانای بەرهەمی بە نویسینگەو جەشنوارەی، 15و مانگه و خەرمانێن (15-06-1403). پەنەواز بە واتەیا، شۆنه و تەمامیای جەشنوارەکەی، خاستەرین بەرهەمێ هەر دوە بەشی مژناسیا و بە خەڵاتی ماڵی و لەوح و تەندیس قەڎرزانیشا چەنە کریۆ.
مەرجێ بەشداری جەشنوارەی:
1 - هەر بەشداربېیێو متاوۆ ئەوپەڕش یەرێ بەرهەمێ کیانۆ.
2- ئا بەرهەمێ کیانیا، نمەبۊ جە هەمامە یا کێوڵکانەکاتەریەنە بەشدارې بېیێبا.
3- پەڕەوە کەرڎەی فۆرموو ئەژناسنامەی پنەوازا.
4- بەرهەمە کیانیاکێ، مەڎریاوە.
5- بەشدار بېیەکې متاوا بەرهەمەکاشا بە فایلوو wordبە نام و نیشانو ئێلێکترۆنیکی جەشنوارەکەی کیانا.
6- داستانەکې مشیۊم بە زوانی هۆرامی بانێ.
7 - ئەر هەر یۊ چا بەرهەما کە کیانیا، ئا مەرجێشا نەبا، داوەری هەمامەکەینە لا بریا.
ڕۊئەژماروو ڕاوەلوای هەمامەکەی:
واتەی هورچنیاکا: دەهه و ئاخروو مانگه و خەرمانێ (شهریور).
ئیبراهیم شەمس.[1]