درەخت ساڵێ بەرنەگېرۊ، نمەبۊ بڕیش
درەخت، یام بەردارەن، یام بۍ بەر، درەختی بۍ بەر پەنەش ماچان زڕ. درەختی بەرداریچ بەپاو ساڵۍ و چەنی جۊرو کەش و هەوای و ۋارانی بەرش زیاڎ و کەم کەرۊن. ئێنە پېسە ئیدیۆمێ بەکارئامان پەی ئا جۊرە کەسا هەکە هەر دەم چەمەڕاو دەسو خەڵکینۍ، گەر کەسێ بەردەوام یاردیشان بڎۊن، بەڵام جارێ یام دۋۍ جارۍ پەیش نەکریۊ بلۊ دەمشاوە، یەکسەر مڎاش لووتۆو پەشتیش چەنە مەکەران، ئیتر ویر چانەیە نمەکەراوە کە ڕەنگە ئا کابرا چا بارەنە نەدارا بۊ، یام نەپەردەچیابۊش. پەوکەی واتەنشا ئا کەسە عالۍ پېسەنۍ درەختی بەرداری، بەڵام درەختی بەرداریچ گرڎ ساڵێ پېسە یۊی بەر نمەڎۊن، ڕەنگە ساڵەی چامنۍ بۊن بە مەڵامەتو نەوەشی، یام کەم ۋارانی بەرش نەبۊن، ئێ خۊ نمەبۊن درەختەکەی بڕین، یام کەسەکەی دەی لووتەرەو پەشتیش چەنەکەرین.[1]
This item has been written in (هەورامی) language, click on icon
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
This item has been viewed 20 times
Write your comment about this item!