ئەو ساڵەی مێردم کرد
ڕەدووکەوتن یان بەدووکەوتن یان هەڵگرتن، دیاردەیەکی کۆمەڵایەتی بوو لە کوردەوارییدا تاوەکوو سەرەتاکانی سەدەی بیست و یەک بڕی کرد و کچان بەدوای خوازیار و کوڕەلاوی شۆڕەسواری خەونەکانیان دەکەوتن، بوخچەی خۆیان تێک دەنا و ماڵەباوانیان جێ دەهێشت و بەدوای کوڕەلاو دەکەوتن و دەچوونە گوند و ئاواییەکی تر بۆ لای ئاغا و دەرەبەگ و خاوەن دیوەخان و قۆناغێک تاوەکوو داڵدەیان بدات و بەو هیوایەی ئاشتەوایشیان لەگەڵ ماڵە بابی کچەی بۆ بکات، ئینجا ژنێکی بەدووکەوتووی یەکێک لە گوندەکانی وراتی #کۆیە#، لەگێڕانەوەی سەربوردە و ژیانی خۆیدا هەموو جارێ زۆر لەسەرەخۆ دەیوت: ئەو ساڵەی مێردم کرد، ژنان و کچانی ئاوایش دەیانوت: کچێ پورە فڵان کوا ئەتوو مێردت کردیە، ئەویش دەیدایە قاقای پێکەنین و دەیوت: ئەوە لۆ بەسەرخۆ نەهینانە، ئینجا ئەوە بووە بەئیدیۆم و بۆ بەسەرخۆنەهێنان و خۆ لەخەتدان دەوترێت: ئەو ساڵەی مێردم کرد.[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 25 times
Write your comment about this item!