ئەو پەلەی لە ئاشێڕە لە ئاشەواندا نییه
منداڵبووین بە عارەبانەی یەک تایە لە گەڕەکی (ڕووناکی) شارەدێی #تەقتەق# لە گونییەیەکدا یەک بۆ دوو تەنەکە گەنمی باراشمان بۆ ئاشەکەی (سمایل ئاشەوان) دەبرد لە بەستەکەی کەناری زێی بچووک، ئێمە (ئاشێڕ) بووین کە دەچووینە نۆرە و سرەگرتنەوە زۆر پەلەمان بوو، بەڵام مام سمایلی ئاشەوان بەکاوەخۆ و لەسەرەخۆ ئاشەوانییەکەی خۆی دەکرد و هیچ پەلەی نەبوو، چونکە ئەو کاری بەئاشێڕەکان نەبوو بەڵام هەموو ئاشێڕەکان پێویستیان بە ئاشەوانەکە بوو بۆ ئەوەی باراشەکەمان بۆ بهاڕێت و تاوەکوو بیبەینەوە ماڵەوە و زوو بکرێتە نان، ئەوە لە #سلێمانی#دا بووە بە ئیدیۆم و بەکاردەهێنرێت بۆ ئەو خەمەی لە منە هەر لە منە، یان ئەو کارەی هیی خۆمە خەمەکەی هەر هیی خۆمە و کەسی تر ئەو خەمەم بۆ هەڵناگرێت بۆیە وتراوە: ئەو پەلەی لە ئاشێڕە لە ئاشەواندا نییه.[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 40 times
Write your comment about this item!