داوەری زۆره
هاوشێوەی ئەو ئیدیۆمە هەیە وتراوە:#بێری بەردۆی زۆرە#، بەردۆ: ئەو پشکە شیرە ڕژاوانەیە کە بێری لە گوانی مەڕوماڵات دەیدۆشێت و بەتەواوەتی ناکەوێتە ناو ستڵ و مەنجەڵی شیرەوە بەڵکوو بەداووتەشکەری بێری یان بەر تەنیشتی ستڵ و مەنجەڵەکە دەکەوت و خەسار دەبوو، لێرەش: داوەر بەمانای ئەو گوڵە گەنم و جۆیە دێت کە لەنێوان داس و قەیناغ و مەڵۆ و تەبارەی خەلەکە نادورێتەوە یان دەوەرن و دەکەوتە ناو پەڕێزەوە، کاتێک هەژارەکان لەنێو پەرێزەکان کۆیان دەکردەوە دەوترا: گوڵوەچنی و وشیکردن.
ئەو سەپانەی کە لە کاتی دروێنەی دەغڵودان گوڵی زۆر لێ بوەریبووایە یان قۆپەن قۆپەنی لێ نەدوریبوایەوە دەوترا: داوەری زۆرە، ئینجا ئەوە بووە بە ئیدیۆم و بەکەسێک دەوترێت کە چرپن و تەمبەڵ و گەڵحۆ و نەفام و نەزان بێت لە گوفتار و قسەکردنی کۆڕ وکۆبوونەواندا هەڵەی زۆر بکات یان درۆی زۆر بکات وەکوو ئەوەی بازبدات لە هەندێک قسەدا و هەموو قسەیەک وەکوو خۆی نەگێڕێتەوە، بە گاڵتەوە دەوترێت: داوەری زۆرە. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 80 times
Write your comment about this item!