ڕۊئەژماری هیجری_ شەمسی
ڕۊئەژماری هیجری_ شەمسی، یام هیجری_ خورشیدی، ڕۊئەژمارێ ئێرانییەن. ئێرانییەکۍ جیاتی ڕۊئەژماری پېڎایی (زایینی) و ڕۊئەژماری کۊچی، ئی ڕۊئەژمارەیە بەکارماران.
پېسە مزانمۍ ڕۊئەژماری زایینی، بەپاو خولیایۆ و دۆرانو زەمینی دۆرو ڕۊجیاریرە نریانەرە کە پېڎابییەو پېخامئاوەر عیسای کریان بە سەرەتاو دەسپەنەکەرڎەیش، بەڵام ڕۊئەژماری کۊچی بەپاو سووڕیایۆ مانگۍ دۆرو زەمینیرە نریانەرە و کۊچو پېخامئاوەرو ئیسلامی کریان بەسەرەتاو دەسپەنەکەرڎەیش. ئێرانییەکۍ هەردۋېشان تېکەڵۍ کەردېنۍ، سووڕیایۆ زەمینی دۆرو ڕۊجیاریرە کەرڎەنشان بە بنچینەو ڕۊئەژمارەکەیشان، بەڵام جیاتی ئانەی جە ساڵەو پېڎابییەو پېخامئاوەر عیسایۆ دەسپەنەکەرۊن، جە ساڵەی کۊچیۆ دەسپەنە کەرۊن و جېیاتی ڕۊ کۊچو پېخامئاوەری، ڕۊ نۆروزیشان کەرڎەن بە سەرەتاو نۊ بېیەیۆ ساڵۍ. ئەچی ڕۊ ئەژمارەنە شش مانگۍ یەکەمۍ گرڎشان (31) ڕوۋۍ و شش مانگۍ دوەمۍ گرڎشان (30) ڕوۋېنۍ.[1]
This item has been written in (هەورامی) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 4 times
Write your comment about this item!