بەرێز پارێزگاری سلێمانی هەڤاڵ ابوبەکر
گرتنی سەرۆکی #نەوەی نوێ# #شاسوار عەبدولواحید# و پەرلەمانتاری هەرێم #ڕابوون مەعروف# و داخستنی سەتەلایتی NRT و گرتنی کارمەندانی ئەو تەلەفزیۆنە لەگەڵ کەلوپەلی ئیشیان – ئەمانە کارێکن فڕی بەسەر یاسا و دیموکراسیەوە نیە، زیاتر ئابڕوو بردنی دەسەڵاتدارانی سلێمانی تێدا دەبینرێ.
ڕابوون مەعروف ئەندامی پەرلەمانە و پاریزبەندی بە پەرلەمانی هەیە. شاسوار لەدەرەوەی وڵات بووە و بەهیچ شێوەیەک پاساوی گرتنی نیە. هەموو ئەوانەش لە NRT ئیشیان کردوە کارمەندی ڕاگەیاندن بوون و ئەم گرتنە نیشانی جیهانی دەدات کە هیچ قەدەری لە ئازادی و دیموکراسی لێرە نیە.
داواکرام هەموویان بێدواکەوتن بەربدرێن.
#بەهادین نوری#
#19-12-2017#

هەولێر - #04-01-2018#

(ویستوویەتی موزایەدە بە تەواوکردنی پردێکی #قەڵادزێ# بکات کە حکومەت فەرمانی تەواوکردنی بۆ دەرکردووە)
#شاسوار عەبدلواحید#، سەرۆکی جووڵانەوەی #نەوەی نوێ# لە لاپەڕەی تایبەتی خۆی لە تۆڕی کۆمەڵایەتی فەیسبووک ئەوەی بڵاوکردەوە کە ناوبراو دەیەوێت پڕۆژی پردی دەروازەی شاری قەڵادزێ جێبەجێ بکات کە چەندین ساڵە پردەکە بە تەواو نەکراوی جێهێڵدراوە. بەڵام شاسوار عەبدولواحید بە کەمتر لە کاتژمێرێک پۆستەکەی لە تۆڕی کۆمەڵایەتی فەیسبووک ڕەشکردەوە و بوار هۆکاری ڕەشکردنەوەکەی ئاشکرا دەکات.
شاسوار عەبدولواحید زانیاری پێش وەختەی هەبووە لەسەر ئەوەی کە حکومەت فەرمانی تەواوکردنی پردەکەی دەرکردووە و ئێستا پڕۆژەکە دراوەتە تەندەر و ویستویەتی بڵێت حکومەت لە ژێر فشاری نەوەی نوێ ئەو پردەی تەواو کردووە.
چەند چالاکوانێک لە شاری قەڵادزێ وە پەیوەندی بە شاسوار عەبدولواحیدەوە دەکەن کە ئەوان لە دژی ئەو موزایەدەیەی کە کردوویەتی کۆنگرەی ڕۆژنامەوانی سازدەکەن و بەڵگەکان لەبارەی پڕۆژەکە بۆ ڕایگشتی ئاشکرا دەکەن. دوای کەمتر لە کاتژمێرێک شاسوار عەبدولواحید سەرۆکی جووڵانەوەی نەوەی نوێ پۆستەکەی لە تۆڕی کۆمەڵایەتی فەیسبووک ڕەشکردووەتەوە.
لە ڕۆژی 4ی ئەیلولەوە پڕۆژەکە دراوەتە تەندەر و ئەو کۆمپانیایەی تەندەرەکەشی وەرگرتووە دەبێت لە ماوەی 180 ڕۆژدا تەواوی بکات، بەڵام بەهۆی نەبوونی پارە لە بانکەکانی #سلێمانی#یەوە پڕۆژەکە دەستی پێنەکراوە. [1]

#06-01-2018#

پیاوی قۆنەرە..!
#توانا ئەمین#
شڵەژاو و ڕوخاو و وێران، نزم و کەچ و کلاغ و نەوی، خاڵیی لە هەر ڕێز و ئەتەکێتێک، بەیانی تا ئێوارە بە هەزار پەیجی فەیک خەریکی لێدانە نەک لە سیاسییەکان بەڵکوو لەو نووسەر و ڕۆژنامەنووسانەی ڕەخنەیان لێ گرتووە، بوختانیان بۆ هەڵدەبەستێ، کەسایەتییان لە کەدار دەکات، لە بینای کەناڵی Nrt2 دا ستافێکی کامل ئەم پەیجە فەیکانەی بەڕێوەدەبات، کە مووچەی هیچ یەکێکیان لە 800 هەزار دینار کەمتر نییە، کە چی هاتووە دەڵێ ئەخلاقی ئێمە نییە لە پەیجی فەیکەوە جوێن بەکەس بدەین!!!!
کابرایەکی ساختە، بازرگانێکی فەیک 200000 دەنگیان بۆ نووسیوە کەچی 200 کەسی بۆ خۆپیشاندان پێ کۆناکرێتەوە، کەسێک کە ڕێگە بەخۆی دەدات بەو ژمارە کەمە پەرلەمانتارە پاک و ئازایانەی ئەم وڵاتە، کە ڕەخنە لەو دەگرن، بڵێ ئەوانە دایک و باوکی خۆیان نییە، ئێستا حەقە خەڵک لێی بپرسێ: بیرتە خۆت لە چ خێزانێکەوە هاتوویت.؟ [1]

جوڵانەوەی نەوەی ئیدانەی هەوڵە تێکدەرانەکانی بەشێک لە هێزە ئەمنیەکان دەکات دژ بە خۆپیشاندەران و دەستگیرکردنی شاسوار عەبدولواحید و سەرجەم خۆپیشاندەران.
لێرەوە ڕایدەگەیەنین کە گیان و سەلامەتی سەرجەم دەستگیرکراوەکان لە ئەستۆی بەرپرسانی ئەمنی و سیاسی شاری سلێمانی یە و پێویستە پارێزگاری سلێمانی بێدەنگ نەبێت لەم پێشێلکاریانە وەک بەرپرسی یەکەمی پارێزگای سلێمانی کۆنترۆڵی ئه و هێزە ئەمنییانە بکات کە لەلایەن هێزێکی سیاسییەوە بەکاردەهێنرێن.
بۆیە ئێمە لە #نەوەی نوێ# ڕێگە نادەین جارێکی تر لەرێگەی دەستگیرکردن و چاوسورکدرنەوەوە کۆتای بەم شۆرشە مەدەنییە بێنن.
ئێمە لە ئێستادا تەواوی ناوەندە جیهانیەکانمان لەم هەوڵە تێکدەرانەی دەسەڵات و کارە نایاساییانە ئاگادار کردۆتەوە و بەردەوامیش ئەبین تا ئەوکاتەی تەواوی دەستگیرکراوەکان ئازاد دەکرێن.
بۆیە هۆشداری دەدەین بە هێزە دەسەڵاتدارنەکانی سلێمانی خۆیان بەدور بگرن لە تورەی و ڕقی جەماوەر چونکە بەردەوامی دەستگیرکردنەکان هیچ کاریگەری لەسەر ورەی پۆلاینی ئێمە نابێت بەڵکو تەمەنی ئەوان لە کۆتایی نیزک دەکاتەوە.
هەروەها داوا لەسەرجەم هاوڵاتیانی کوردستان دەکەین کە برژێنە سەرشەقامەکان بەشێوەی ئاشتیانە و بەردەوام بن تا ئەوکاتەی چۆک بەم گروپە بچوکە دادەدەین کە دەستیان بەسەر پارە و قوتی خەڵکیدا گرتووە و تاکە شتێک بەدەستیانەوە مابێت ژمارەیەکی کەم چەکدارە.
داواش لە هێزەکانی پێشمەرگە و ئاسایش دەکەین کە نەچنە ژێر باری هیچ فشارێک و ملنەدەن بۆ بریاری بەرپرسەکانیان، ئه و بەرپرسە ترسنۆکانەی لە سەنگەرەکان بە تەنیا بەجێیان هێشتن.
جوڵانەوەی نەوەی نوێ
#19-12-2017#

ئەنجومەنی نوێنەرانی عێراق
حکومەتی فیدراڵی عێراق
وەزارەتی دەرەوەی ئەمریکا
باڵیۆزخانەی ئەمریکا لە عێراق
باڵیۆزخانەی بەریتانیا لە عێراق
نوێنەرایەتی یەکێتی ئەوروپا
رێکخراوی ئەمنێستی ئینەتەرناشناڵ
رێکخراوی چاودێری مافی مرۆڤی نێودەوڵەتی
خاچی سوری نێودەوڵەتی
تەندروستی #شاسوار عەبدولواحید# لە مەترسیدایە!
جوڵانەوەی #نەوەی نوێ# داوا لە هاوڵاتیانی کوردستان، هێزە عێراقی و ڕێکخراوە نێودەوڵەتییەکان، قونسوڵگەری و باڵوێزخانەی ئەمریکا و وڵاتانی ئەوروپا و ناوەندە جیهانییەکان دەکات کە بەپەلە دەستوەردان بکەن و ژیانی شاسوار عەبدولواحید، سەرۆکی جوڵانەوەی نەوەی نوێ، لە مەترسی ڕزگاربکەن.
داواش لە ڕێکخراوی ئەمنێستی و ڕێکخراوی چاودێری مافی مرۆڤ دەکەین کە بەخێرایی کاربکەن بۆ پاراستنی گیانی شاسوار و هاورێکانی بەزوترین کات.
لە ڕۆژی 19 دیسەمبەر پاش ڕفاندنی لەلایەن هێزی چەکداری سەربە یەکێتی نیشتیمانی کوردستان لە فرۆکە خانەی سلێمانی، شاسوار دۆخی تەندروستی تێکچووە و تائێستاش ڕێگە بە چارەسەرکردنی نادرێت، ڕێگە بە بینی نە لەلایەن پارێزەر‌ نە لەلایەن خێزانەکەیەوە نەدراوە.
بۆیە داوای دەستورەدانی بەپەلە لە ڕێکخراوەکانی بواری مافی مرۆڤ و کۆمەڵگەی نێودەوڵەتی و حکومەت و پەرلەمانی عێراق دەکەین کە بە فریای ژیانی شاسوار بکەون لە 24 چوار کاتژمێری داهاتو دا.
وەک جولانەوەی نەوەی نوێ لە سەبەینێوە ڕێکاری مەدەنی و یاسای دژ بە ڕفاندن و گۆشەگیرکردنی تەواوی بەندکراوانی جوڵانەوەی نەوەی نوێ دەگرینەبەر و هەتا دڵنیابون لە سەلامەتی و ئازادی تەواوی دەستگیرکراوان لە ڕۆژی یەکەمی خۆپیشاندانەکانەوە.
جوڵانەوەی نەوەی نوێ
#22-12-2017#

بەپێی زانیارییەکانی بوار، دوای داخستنی دۆسییەی چاڤی لاند، لە لایەن #یەکێتیی نیشتمانیی کوردستان# لەسەر سەرۆکی #جووڵانەوەی نەوەی نوێ#. لە ئێستادا سەرۆکی جوڵانەوەکە ژمارەیەکی سکاڵای یاسایی دیکەی لەسەرە.
لە ماوەی دوو مانگی ڕابردوودا، بوار لە ڕێگەی بەڵگەیەکی دادگای #سلێمانی# بڵاویکردەوە کە دادگای سلێمانی لە ژێر فشاری یەکێتیی و جێگری سەرۆکی حکومەت ژمارەیەک سکاڵای دۆسییەی ئه و هاووڵاتییانەی کە پشکیان هەیە لە پڕۆژەی چاڤی لاند، لەسەر #شاسوار عبدالواحید#، سەرۆکی جوڵانەوەی نەوەی نوێ داخرا.
بەپێی زانیارییەکان لە ئێستادا ناوبراو سێ دۆسییەی گەورەی لەسەر کراوەتەوە.
بوار زانیویەتی، ئه و دۆسیانەی کە ئێستا لە دادگا هەن و لەسەر سەرۆکی جوڵانەوەی نەوەی نوێ کراونەتەوە و هەرسێک دۆسییەکەش دۆسیەی قوڕسن و یەکێتیی وەک کارتێکی فشار لەبەرامبەر شاسوار عبدالواحید هەڵیگرتووە هەرکاتێک بەمەرجەکانی یەکێتیی ڕازی نەبێت دۆسییەکە لە دژی ناوبراو دەجولێندرێت. [1]

جاران کە بەندە ڕەخنەی لێدەگرت و هەڵسەنگاندنی هەمە لایەنەی بۆ مەترسیەکانی دەکرد، دەیانوت تۆ کێشەی شەخسیت لەگەڵ شاسواردا هەیە، لە کاتێکدا تا ئەوکاتەی لە ئێن ئاڕ تی بووم، پەیوەندییەکی زۆر باش لە نێوانماندا هەبوو، کۆتا جار پێی وتم چیت دەوێ لە کوێدا ئیش دەکەی و چ موچەیەکت دەوێ لە خزمەتدام، بەڵام من کە تێگەشتم پیاوێکی ساختەچییە، کشامەوە، دەست لە کارکێشانەوەشم پێشکەش کرد لەکەناڵەکە، دواتریش زۆرم هەوڵدا خەڵک تێبگەیەنم، بەڵام زۆرینەی نووسەر و پەڕڵەمانتارەکان (وەحشی شاشە) لەبەر دەرکەوتنیان لەئێن ئاڕ تی چاویان لەو هەموو پۆخڵەواتییە دەپۆشی.
بەهەر حاڵ، من باش دەمزانی ئەم بزوتنەوە پۆپۆلیستییە بە زووی دەستەکەی کەشف دەبێت و هیچ ئیزافەیەکی نابێت بۆ مرۆڤی کورد..
ئەوەتا د. #کازم فاروق نامیق#، کاتێ لەئێن ئاڕ تی 2 پرسیاری لێدەکەن بەکێ موعجیبی دەڵێ بە #شاسوار عەبدولواحید#، تا ئەو ڕادەیە موتیع بوو، خێرە ئێستا ئاوا بوو بە کەسێکی بێزرا و بەیاننامەیەکی پر تۆمەتتان لەدژی دەرکرد.
کێشەی گەورەی شاسوار عەبدولواحید ئەوەیە نایەوێت هیچ فیگەرێ لە #نەوەی نوێ#دا دروست بێت، چونکە دەزانێ خۆی مرۆڤێکی بێ ڕوئیا و ساختەیە، دەترسێ جێگاکەی لەقبێت. [1]
#شەنکار عەبدوڵڵا#
#27-10-2022#

لە کۆنگرەیەکی ڕۆژنامەوانیدا #شاسوار عەبدولواحید# کە سەرۆکی جووڵانەوەی #نەوەی نوێ#یە، بەبێ هیچ زانیاری و داتایەکی بەردەست سەبارەت بە ئەنجامی هەڵبژاردنی ئەنجوومەنی پارێگاکانی ئێراق چەند داتایەکی ناڕاستی خستەڕوو، گوایە لە (600) هەزار دەنگی کورد نزیکەی (200) هەزار بەشداریان کردووە و هاوکات سیستمی سانتلیگۆ دەکاتە بیانوو بە شکست و بەدەستنەهێنانی کورسی.‍
لە بەرانبەر ئامارە هەڵە و پەڵەکانی کۆنگرە ڕۆژنامەوانییەکەی شاسوار عەبدولواحید دا، ڕاگەیاندنی سەنتەری هەڵبژاردنی #کەرکووک#-سەڵاحەدینی #یەکێتیی نیشتمانیی کوردستان# لە وەڵامێکدا ڕاستییەکان ئاشکرا دەکات و ڕایدەگەیەنێت: لە بەشێکی قسەکانیدا شاسوار سیستمی سانتلیگۆ دەکاتە بیانوو بۆ نەبردنی کورسی! لە کاتێکدا سیستمی سانتلیگۆ (1.7) کاریگەریی لەسەر کورسی یەکەم هەیە، ئێ خۆ شاسوار و جەماعەتەکەی بە نیازی (4 بۆ 5) کورسی ئەنجوومەنی پارێزگای کەرکووک بوون، بۆچی کورسییەکانی دیکەیان نەهێنا؟! هەروەها دەشڵێت؛ «کورد بووەتە کەمینە» لەوەشدا هەڵەیە، چونکە کورد وەکوو نەتەوە زۆرترین دەنگی هێناوە لە چاو دوو پێکهاتەی دیکە و وەکوو لیستیش لیستە کوردستانییەکان (7) کورسیان بەدەستهێناوە.

ڕاشیگەیاندووە: پێشتر شاسوار و جەماعەتەکەی پڕوپاگەندەی ئەوەیان دەکرد لە کاتی دەنگدانی تایبەتدا هێزەکانی پێشمەرگە دەنگ نادەنە حزبەکانی دەسەڵات لە کاتێکدا بۆ زانیاری شاسوار و جەماعەتەکەی لەناو هێزەکانی پێشمەرگە جگە لە گرفتی نەخوێندنەوەی پەنجەمۆر، ڕێژەی بەشداریکردن لە سەروی (95%) بووە، تەنانەت لە هەردوو پارێزگای کەرکووک و #سلێمانی# لە سەروی (90%) دەنگیان بە لیستی هاوپەیمانی کەرکووک هێز و ئیرادەمانە داوە.
لە کۆتای وەڵامەکەشیدا ڕاگەیاندنی سەنتەری هەڵبژاردنی کەرکووک-سەڵاحەدین دەڵێت: ئەوەندە بە شاسوار و جەماعەتەکەی دەڵێین؛ شکست بە درۆ و دەلەسەی سەر شاشەکان پینە و پەڕۆ ناکرێ، بەڵکوو بە ڕاستکردنەوەی هەڵەکان، و بە خۆداچوونەوە دەکرێت.‍ [1]