ناوی ئەحمەدی کوڕی وەسمان پاشای گەورەی #جاف#ە و دایکیشی عادیلە خانمی جافە. ساڵی 1896 لە #هەڵەبجە# لەدایکبووە. ئەحمەد موختار بەگ بە لێکدانەوەی ئەبجەدی دەکاتە 1316ی کۆچی کە بریتییە لە مێژووی لەدایکبوونی و بۆیە ئەو ناوە نراوە.
هەرچەندە دەرچووی قوتابخانە و خوێندنگە باڵاکان نەبووە، بەڵام مرۆڤێکی زیرەک و وردبین بووە. بێجگەلەزمانی کوردی، فارسی و تورکی و عەرەبی و کەمێکیش ئینگلیزی زانیوە. تەنانەت بە زمانی فارسی چەند هەوڵێکی هۆنراوەیی هەیە، خۆی و #تایەر بەگ#ی برای بە دوو شاعیری گەورەی کورد دەژمێردرێن. ئەم شاعیرە بەتوانایە لە هەموو بوارەکاندا هۆنراوەی وتووە و هەڵبەستە نیشتمانییەکانی لە ڕیزی پێشەوەی هەڵبەستە نیشتمانییەکانی سەرەتای سەدەی ڕابردوو دادەنرێن. ئەحمەد موختار بەگ لەبەر ئەوەی لە بنەماڵەیەکی دەسەڵاتدار و بەناوبانگی جافە، تێکەڵی ڕامیاری و کاروباری دەوڵەتیش بووە. لەڕووی کۆمەڵایەتییەوە کەسایەتییەکی خۆشەویست و خێرەومەند بووە و ماوەیەک قائیمقامی هەڵەبجە بووە، دواتر لەئەنجوومەنی دامەزراندنی ئێراق و لەئەنجوومەنی نوێنەراندا ئەندام بووە. مانگی شوباتی ساڵی 1935 لەڕووداوێکی دڵتەزێندا تیرۆرکرا و لە گوندی “#عەبابەیلێ#”ی نزیکی هەڵەبجە بە خاک سپێردرا.[1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,213,691