یەکێک بووە لە پێشمەرگەی مەفرەزە سەرەتاییەکانی باشوور، پاش هەرەسی ساڵی 1975
شەهید ئەحمەد قەمبەری
یەکەم شەری ناودێهاتی دەشتی #هەولێر#ی ئەنجامدا
شەهید ئەحمەد کوری مام ئۆمەری ئەحمەدە، ناسراو بووە بە ئەحمەد قەمبەری، سالی 1953 لەخێزانێکی جوتیاردا لەگوندی قەمبەری سەربەشارەدێی #سێگردکان# هاتۆتە ژیانەوە، لەتەمەنی لاوێتیدا لە شۆرشی ئەیلولدا دەبێتە پێشمەرگە دوای نسکۆ بۆماوەیەک بەکاری جوتیاریەوە خەریک دەبێت و لەگەل چەخماخەی شۆرشی نوێ بەرابەرایەتی #یەکێتی نیشتمانی کوردستان#، لە #20-11-1976# دەبێتە پێشمەرگەی مەفرەزەسەرەتاییەکانی هەرێمی دەشتی هەولێر، لەبەرلێهاتویی زوو پلەکانی پێشمەرگایەتی دەبرێ و 1979 دەکرێتە فەرماندەی مەفرەزەو 1981 دەبێتە فەرماندەی کەرت و بەرلەشەهیدبوونی 1983 فەرمانی سەرتیپی بۆدەردەچێت، وەک فەرماندەی کەرتی 2ی تیپی 86 ی دەشتی هەولێر سەرکردایەتی چەندین چالاکی و نەبەردی وەکو یەکەم شەری ناو دێی(گوندی #ئۆمەر گومبەت#)ی ناحیەی سێگردکانی سنوری #کۆیە# وکەلی سوور و دەواجنەکانی #تەقتەق# و قەرەسالم و ڕێگەی هەولێر – کۆیە.
تاکە سەروەری بۆ شەهید ئەحمەد قەمبەری بەسە کە لەهاوینی 1982 لەشەرێکی دەستەو یەخەی ناو دێهات ڕووبەرووی جاش و سوپای بەعس وەستایەوە لەگوندی ئۆمەرگومبەت، ئەوانەی لەو شەرەدا بەدوژمنیان ووت ئێمە ئەمرۆ لەکوردستاندا ناوچەی ئازادکراومان هەیە.
کەرتی 2ی تیپی 86ی دەشتی هەولێر، جموجۆل وچالاکیەکانیان وایکرد دوژمن چاودێریان بکاتەسەرو لە #08-08-1982# لە#کەلی سور#دا بەهەلیکۆبتەر 3 پێشمەرگەی لێ شەهیدکردن و لەگەل خۆیدا هەلیگرتن و تا ئێستا گۆریان نیەو تەمەرکانی بۆ ناوچەیەکی نادیاربردن شەهیدەکانیش(شەهید وشیار ڕەحمان #ئیلنجاغی# و وریا ورێباز تەلخێمی مەخموری)بوون.
دواتر چالاکی گرتنی ڕەبیەکانی قەرەسالم لە 21-9-1982 کە #بەکر ڕەشاش# تیایدا شەهیدبوو، وەلامێکی پشتشکێنی کەرتەکە بوو بۆ دوژمن، سالی 1983 لەلایەن سەرکردایەتی ئەوسای یەکێتی نیشتمانی کوردستانەوە بریاری فەرماندەی تیپی بۆدەردەچێت بەلام مخابن لەشەرێکی نەخوازراودا لە 27-04-1983 لەدۆلی بالیساندا شەهید دەکرێت.[1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 13,607
Donnez votre avis sur ce produit!