لە دوا ڕۆژەکانی ساڵی 1968 لە گوندی ناڕوجەی ناحیەی شوان- کەکووک لەدایک بووە و خوێندنی سەرەتایی لە گوند و ناوەندی لە ڕێدار- ناوەندی ناحیەی شوان- و ئامادەیی لە ئامادەیی کوردستان (عبد الملک بن مروان) لە کەرکووک تەواو کردوە.
ساڵی 1987- 1988 لە کۆلیجی ئەندازەیی زانکۆی موصڵ وەرگیراوە و دەوامی کردوە و بەهۆی نەکردنی مەشقی هاوینەی خوێندکارانەوە، بە بڕیاری ژمارە(420- ساڵی 1987) ی حیزبی بەعث فەصل کراوە و پاش لێبوردن لە بەشی مێژووی کۆلیجی ئادابی زانکۆی صەلاحەدین ساڵانی(1988- 1992) درێژەی بە خوێندنی بەکالۆریۆس داوە و ئەم بەشە خوێندکارانی بێلایەن و نابەعسیشیان وەردەگرت.
- لە هەمان بەش و کۆلیژ دا، ساڵی 1994 بڕوانامە ماستەر و ساڵی 2000 بڕوانامەی دکتۆرای لە مێژووی کوردی سەدەکانی ناوەڕاست هێناوە.
- لە پاییزی ساڵی 1994 وەک مامۆستای هاریکار لە کۆلیژی ئادابی زانکۆی دهۆک دامەزراوە وتا ئێستاش بەردەوامە لە خزمەت لە زانکۆی دهۆک.
- ساڵی 2004 بووەتە پرۆفیسۆری هاریکار و ساڵی 2011 بووەتە پڕۆفیسۆر و نۆ کتێب و دەهان لێکۆڵینەوە و گوتاری بە هەردوو زمانی کوردی و عەرەبی بلاوکردۆتەوە و لە ژمارەیەک کۆنگرەی زانستی لە ناوخۆ و دەرەوەی هەرێم بەشداریی کردووە و ئەندامی دەستەی ڕاوێژکاریی گۆڤاری ئەکادیمیای کوردی و گۆڤاری بنکەی ژینە لە سلێمانی.
أ- کتێب: -به کوردی:
1- چەند لێکولینەوەیەک دەربارەی مێژووی کورد لەسەدەکانی ناوەراستدا، بلاوکراوەکانی ئەکادیمیای کوردی(هەولێر:2008)204ل (حەفت لێکۆڵینەوەی ئەکادیمی).
2- کورد و کوردستان لەروژگاری خیلافەی ئیسلامیدا، دەزگای موکریانی چ 4(هەولێر:2020). 458 ل.
3- کۆمەڵگای کوردەواری لە سەدەکانی ناوەڕاست، چاپخانەی ئاوێر(هەولیر:2014) 350ل.
4- نەورۆزی کوردەواری لە ئەفسانەوە بۆ مێژوو، چاپخانەی زانکۆی صەلاحەدین (هەولیر: 2017)130ص.
5- کاکەیی- ئەهلی حەق وشەبەک، ئەکادیمیای کوردی(هەولیر: 2020)150ل.
6- لەبارەی مێژوو و کەلتوری کوردیەوە، دەزگای جەمال عیرفان(سلێمانی: 2021) 390ل.
- باللغة العربیة:
7- کردستان فی العهد الجلائري، طبعة ثالثة مزیدة ومنقحة الأکادیمیة الکردیة، أربیل 2022.
8- القبائل والزعامات القبلیة الکردیة فی العصر الوسیط، ط2، مزیدة ومنقحة دار الزمان(بیروت: 2015) 275ص.
9- الکرد فی العصر العباسي، مؤسسة موکریانی للطباعة والنشر(اربیل:2018)214ص. 10- تذکرة المقتفین في مناقب تاج العارفین- پیر شالیار، للواسطي(ت: بعد 777هج/1375م). دراسة وتحقیق مع المرحوم الدکتور عماد عبد السلام ڕؤوف.
[1]