یەکێکە لەو ڕێکخراوە پیشەییانەی ڕۆڵێکی دیار و درەوشاوەی لە خزمەت کردنی کاروانی ئەدەبی و ڕووناکبیری کوردیدا هەبووە.
هەمیشە لە بەرەی گەل و نیشتماندا بووە و هەردەم داکۆکی لە مافە ڕەواکانی گەلی کوردستان کردووە.
پاش هەوڵ و هیمەتی دەستەی دامەزرێنەری ئەم ڕێکخراوە (د. #عیزەدین مستەفا ڕەسوڵ#، د.#نەسرین فەخری#، د.#کاوس قەفتان#، د.#ئیحسان فوئاد#، د.#مارف خەزنەدار#، #جەمال بابان#، #خالید دلێر#، #محەمەدی مەلا کەریم#، #حسێن عارف#، #کاکەمەم بۆتانی#، #نوری عەلی ئەمین#) ، لە ڕۆژی 10-02-1970 ڕێکخراوەکە مۆڵەتی ڕەسمی کارکردنی وەزارەتی ناوخۆی ئێراق وەرگرت و هاتە مەیدانی کار و خزمەتی ئەدەبی و ڕۆشنبیرییەوە. ئەگەرچی ئەم ڕێکخراوە ڕێکخراوێکی پیشەیی شار بوو، بەڵام ڕێکخراوێکی تێکۆشەر و بەهەڵوێست بووە و هەردەم لەگەڵ هێڵی شۆڕش و بەرژەوەندییە باڵاکانی گەلی کوردستاندا بووە و لەو پێناوەشدا قوربانی زۆری داوە و چەندین قەڵەمی بەهەڵوێستی ئەو ڕێکخراوە تووشی گرتن و ڕاونان بوون و بەشێک لەو قەڵەمانە لە کۆڕی خەباتی شار و شاخدا گیانی خۆیان بە ئازادی کوردستان بەخشی.
ڕژێمی بەعس وەک ڕێکخراوێکی یاخی سەیری یەکێتیی نووسەرانی کوردی دەکرد، هەر بۆیەش لە ساڵی 1980 هەڵی وەشاندەوە و کردی بە بەشێک لە ڕێکخراوی (ئەدیبان و نووسەرانی ئێراق) .
بەوەش ئەو یەکێتییە هەڵوەشایەوە، بەڵام نووسەرانی خاوەن هەڵوێستی هەر لە بەرەی گەل مانەوە و قەڵەمەکانیان لە خزمەتی شۆڕش و پێشمەرگە بوو، بە ناوی نهێنی لە بڵاوکراوەکانی یەکێتیی نووسەرانی کوردستان لە شاخ بەرهەمەکانیان بڵاو دەکردەوە.
لە دوای ڕاپەڕینی ئازادی، جارێکی تر یەکێتی نووسەرانی کورد دامەزرایەوە و هاتەوە مەیدانی تێکۆشانی ئەدەبی و ڕووناکبیری و تا ئێستا بەردەوامە.
یەکێتیی نووسەرانی کورد لە مێژووی پڕ شکۆی 46 ساڵی تەمەنیدا خزمەتێکی زۆری کردووە و خاوەنی خەرمانێک دەستکەوتی ئەدەبی و ڕووناکبیرییە.
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 19,068
Donnez votre avis sur ce produit!