رازیانە ڕووەکێکی بۆن خۆشی گەڵا پچڕاوپچڕاوی یەک و دوو ساڵەیە (هێندێک جۆریان وەک بچکن). ئەم ڕووەکە لە تیرەی "چەترییەکان" Umbelliféresنە و گوڵەکانی چەترین و ڕەندگیان زەردە و لە پۆپەی لقەکانیەوەن، بەرزیی ڕازیانە لە 1 میتر تاکوو یەک و نیو میتر هەڵدەچێ، گەڵاکانی تام و بۆنیان خۆشە و قنچکەکەیان لە نزیک لاسکی ڕووەکەکەوەیە و لە کلوو دەچن، تۆمەکەشی ورد و بە درێژی 6 تاکوو 12 میلمە و پانیەکەی لە 2 تاکوو 3 میلیمیترە و بۆنێکی خۆشیشی هەیە. پێشینە تۆمی ڕازیانەیان بۆ دەرمانی بەردی گورچیلە (وڵک) و نەخۆشی زەردەیی و زکچوون بەکاریان دەبرد. گەڵا و ڕیشووەکەشی بۆ دەرمان بەکار دەبەن. پێش ئەوەی ژن نووتفەی لە منداڵدان دا هەبێ، ئەگەر لە دوو مانگی هەوەڵدا ڕازیانە بخوا، ئەوا منداڵەکەی دەگۆڕێ، واتە ئەگەر منداڵەکەی کوڕبێ ئەوا ئەبێ بە کچ و بە پێچەوانەش. دانەی ڕازیانە زۆر چەورە و لە 2 تاکوو 6 سەددا ڕۆنە. ئەمە ڕازیانەی شیرینە Foeniculum vulgare azoricu. بە فەرانسەیی Fenouil و Fenouil officinal، Aneth و Anis douxی پێدەڵێن. ف.م. و ت.خ. و م.گ.
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 14,314
Donnez votre avis sur ce produit!