ناوی (ئەینی بەهار)ە، بەڵام لە ڕادیۆ بەناوی بێلا ستورکی یان بەهار ستورکی دەناسرێت. بە وتەی خۆی ئەو بەناوی داپیری کراوە "دۆست و هاوڕێیەکانم لە قوتابخانە بەمنیان دەگوت چاو بێلا.."، بەهار لە بنەماڵەیەکی کوردی ئێزدی شاری تبلیسە. دوای 10 ساڵ خوێندن بە زمانی ڕووسی پەیوەندی بە زانکۆی حکومەتەوە کردووە لە تبلیس و لە کۆلێژی زانستی زماندا خوێندوویەتی. بێلا ستورکی یانیش بەهار ستورکی وەک هێمایەکی ڕادیۆی کوردی جۆرجیایە. ڕەنج و ماندووبوونی ئەو لە دوای کەرەمێ ئانگۆسیدا دێ کە تائێستاش بەردەوامە لەو کارەدا.
لە ڕۆژی 29-09-1978 لە سەردەمی ڕووسیای سۆڤیەتدا، بە ڕەزامەندی حکومەتی جۆرجیا مافی پەخشی ڕادیۆیی بە کورد درا. بە هەوڵ و کۆششی نووسەری کورد کەرەمێ ئانگۆسی ڕادیۆی جۆرجیا مافی پەخشی بەرنامەی 15 خولەکی دەداتە کوردانی جۆرجیا. وێڕای کەموکوڕی تەکنیکی، زمان و نەبوونی کارمەندی کورد ئەوان دەستبەرداری ئەو مافە بەدەستهاتووەیان نابن و دەستدەکەن بە ئامادەکردنی بەرنامەی کوردی. زینا ئەدۆ و عەلیێ ئەفەندی یەکەمین پێشکەشکاری بەشی کوردی بوون. ئەوکاتە پەروەردە و فێرکردنی کوردی لە قوتابخانەکانی جۆرجیادا نەبوو و زۆر بەربەستیش هەبوون لەبەردەم فێربوونی زمانی کوردیدا.
بەڵام وەک بەهار ستورکی بە (رووداو)ی ڕاگەیاند، بە هەوڵ و کۆششی کەرەمێ ئانگۆسی چەند لاوێکی خوێندکار کە بەهار ستورکی یەکێکیان بووە دەستدەکەن بە خوێندن و نووسینی کوردی "هەروەها وانەی ڕۆژنامەنووسی و بواری ڕادیۆشمان وەرگرت".
بەهار ئەوکاتە تازە قوتابخانەی ڕووسی تەواوکردبوو و تەمەنی 16 ساڵ بووە. ئەو دەڵێ "ئاستی زانینی زمانی کوردیم زۆر باش نەبوو، چونکە لە دەوروپشتمان کەس بە کوردی قسەی نەدەکرد". فێربوونی زمان بۆ لاوان زەحمەتە. بەڵام ئەوان هەوڵدەدەن و فێری دەبن. بەهار وێڕای کوردی پێنج زمانی دیکەش دەزانێ: ڕووسی، جۆرجی، ئازەری و ئەرمەنی. دوای فێربوونی زمانی کوردی بەهار دەستدەکات بە کاری چاپ"ئێمە بەرنامەی ڕادیۆمان بەپیتی کریلی چاپدەکرد، دواتر بوومە وەرگێڕ و دوای ماوەیەکی دیکەش بوومە بەرپرسی پەخش و پێشکەشکاری بەرنامە."
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 7,708
Donnez votre avis sur ce produit!