لەماوەی 10 مانگدا لە سنووری ئیدارەی گەرمیان، پێنج هەزار و 512 مناڵ لەدایکبون کە زۆرینەیان لە ڕەگەزی نێرن.
بەپێی ئامارێکی نەخۆشخانەی شەهید شێرەی نەقیب بۆ ژنان و مناڵبوون لە کەلار، لەماوەی 10 مانگی ئەمساڵ دا، پێنج هەزار و 512 حاڵەتی لە دایکبونی مناڵان تۆمارکراوە، له و ڕێژەیەش: دوو هەزار و 842 مناڵ لە ڕەگەزی نێر و دوو هەزار و 670 مناڵیان لە ڕەگەزی مێن.
مەحمود جیهانگیر سەیفوڵا، بەڕێوەبەری نەخۆشخانەی شەهید شێرەی نەقیب بۆ ژنان و مناڵبوون لە کەلار، بە (خەندان) ی ڕاگەیاند: لەمانگی ئایار دا زۆرترین مناڵ لەدایکبوون کە ژمارەیان 668 منداڵە، هەروەک زۆرینەی مناڵەکانیش بەشێوەی سروشتی هاتونەتە دونیاوه و یەک هەزار و 790 منداڵیشیان بە نەشتەرگەری قەیسەریی لەدایک بوون.
هەر بەپێی ئامارەکە، 45 منداڵ بە مردووی لەدایکبون و هیچ حاڵەتێکی مردنی دایکانیش لەکاتی مناڵبون تۆمارنەکراوە، هەروەها 341 حاڵەتی لەبارچوونی مناڵان تۆمارکراوە.
- 19-11-2013
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 8,183
Donnez votre avis sur ce produit!