خەندان ڕاماڵ قەسرەیی
لەماوەی ساڵی 2013دا لەسنوری بەرێوەبەرایەتی پۆلیسی سۆران کە هەر چوار قەزای سۆران، مێرگەسور، چۆمان، ڕواندز لەخۆ دەگرێت دوو هەزار و 128 ڕووداوی جۆراو ڕویانداوە کە زۆرینەیان ئاشکرا کراون و بەبەراورد بەساڵی ڕابردووش بەگشتی ڕوداوەکان زیادیان کردوە.
نەقیب محەمەد عەلی بەر پرسی بەشی ڕاگەیاندی پۆلیسی سۆران بەخەندانی ڕاگەیاند: لە ماوەی ساڵی 2013دا (24) ڕوداوی هێرشکردنە سەر فەرمانبەران و 13دەستوەردان لەکاری دادگا و 8 ساختە و تەزویر و یەک زیادە ڕۆیی فەرمانبەر لە سنوری کاری خۆی و 16تاوانی سەرخۆشی و 71 هەرەشە و 31 فێڵکردن و یەک هەڵگرتنی پارەی دزراو و 9حاڵەتی هەڵگرتنی چەک بەشێوەی نایاسایی و 28 لێخورینی ئۆتۆمبێل بەبێ مۆڵەت و 4 ڕووداوی کوشتن هەبوون و تەواوی ڕووداوەکانیش بەدواواچونیان بۆ کراوە و ئاشکرابوونە.
نەقیب محەمەد عەلی وتیشی: هەر لەماوەی ئەمساڵدا 5 حاڵەتی خۆکوشتنی پیاوان و یەک کوشتنی بەهەڵە و 3 دزینی ئۆتۆمبێل و 84 حاڵتی دزیکردن و 10 حاڵەتی خراپ بەکارهێنانی ئامێرەکانی پەیوەندیکردن و 1811 ڕوداوی تر هەبوون کە بەشێکی زۆریان ئاشکرابوون.
وتیشی: بەگشتی بە بەراورد بەساڵی ڕابردوو ڕوداوەکان زیادیان کردوە کە ساڵی ڕابردوو 1859 ڕووداوی جۆراو جۆر بوون.
- 31-12-2013
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 6,632
Donnez votre avis sur ce produit!